पतंग उडवण्याच्या नादात तोल जाऊन चौथ्या मजल्यावरून पडून एका आठ वर्षीय मुलाचा जागीच मृत्यू झाला. ही घटना रविवारी सकाळच्या सुमारास पुण्यातील कोंढवा परिसरात घडली. मृत मुलाचे नाव आतिक शेख आहे. तो मित्रांसह इमारतीवर पतंग उडवत होता. कोंढवा पोलीस याप्रकरणी अधिक तपास करत आहेत. पोलिसांनी दिलेल्या माहितीनुसार, कोंढवा परिसरातील व्हीआयटी कॉलेजच्या मागील इमारतीच्या चौथ्या मजल्यावर आतिक शेख हा मित्र अरबाज सय्यद, मेहराज यांच्यासह तीन ते चार मुले पतंग उडवत होते. त्याच दरम्यान आतिक शेखचा इमारतीवरून तोल जाऊन तो खाली पडला व त्याचा जागीच मृत्यू झाला. या घटनेचा अधिक तपास कोंढवा पोलीस करत आहेत.
