गस्त घालणाऱ्या पोलिसाच्या डोक्यात बाटली मारली; पोलिसांनी तिघांना पकडले

राळे आणि पाटील यांनी शेख आणि त्याच्यासोबत असलेल्या अल्पवयीन साथीदारांना पकडले.

loksatta, marathi news paper, news paper, news online, marathi news, marathi news online, newspaper, news, latest news in marathi, current news in marathi,sport news in marathi, bollywood news in marathi,nifad police station bike siezed four detained crime nashik
प्रतिकात्मक छायाचित्र

गस्त घालणाऱ्या पोलीस शिपायाच्या डोक्यात दारुची बाटली मारल्याची घटना कसबा पेठ भागात शनिवारी (८ऑक्टोबर) रात्री घडली. याप्रकरणी फरासखाना पोलिसांनी एकाला पकडले असून त्याच्या अल्पवयीन साथीदारांना ताब्यात घेतले आहे.

प्रदीप अरुण राळे असे जखमी झालेल्या पोलीस शिपायाचे नाव आहे. याप्रक रणी नाझ अख्तर शेख (वय १९,रा. रविवार पेठ) याला अटक करण्यात आली. त्याच्यासोबत असलेल्या दोन अल्पवयीन साथीदारांना ताब्यात घेण्यात आले. राळेंनी यासंदर्भात फरासखाना पोलीस ठाण्यात फिर्याद दिली. पोलिसांनी दिलेल्या माहितीनुसार, पोलीस शिपाई राळे शनिवारी रात्री कसबा पेठेतील मुस्लीम दफनभूमी परिसरात गस्त घालत होते. त्या वेळी आरोपी नाझ आणि त्याच्यासोबत असलेले अल्पवयीन साथीदार तेथे दारु पित बसले होते.राळेंनी त्यांना हटकले. त्यानंतर शेख आणि त्याचे साथीदार पसार झाले. पोलीस शिपाई राळे आणि त्यांच्यासोबत असलेले सहकारी पाटील यांनी त्यांचा पाठलाग सुरु केला.

त्या वेळी अंधारात राळेंच्या डोक्यात दारुची बाटली मारण्यात आली. राळे आणि पाटील यांनी शेख आणि त्याच्यासोबत असलेल्या अल्पवयीन साथीदारांना पकडले. राळेंना तातडीने रु ग्णालयात दाखल करण्यात आले. प्रथमोपचारानंतर त्यांना रुग्णालयातून सोडण्यात आले. पोलीस उपनिरीक्षक कदम तपास करत आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Three nabbed for assaulting police in pune

ताज्या बातम्या