आमरस, लोणचं खाऊन कंटाळला असाल तर आंब्याचे रायते खाऊन पाहा, जाणून घ्या सोपी रेसिपी

आंब्याचे रायते तयार करण्याची रेसिपी

आंब्याचे रायत्यासाठी लागणारे साहित्य
५-७ रायवळ आंबे सोलून अर्ध्याचा रस आणि अर्धे अख्खे ठेवावेत. साली पाण्यात भिजवत ठेवाव्यात. ओलं खोबरं १ वाटी, सुक्या मिरच्या आवडीनुसार, मेथी दाणे, २-४ हळद, गुळ, मीठ, हवी तर थोडीशी चंची,

फोडणीचे साहित्य – मोहरी, हिंग, कढीपत्ता

हेही वाचा – उन्हाळ्यात शरीराला थंडावा देण्यासह पचनक्रिया सुधारते ‘हे’ घरगुती पेय, जाणून घ्या रेसिपी

आंब्याचे रायते तयार करण्याची कृती –
भिजत घातलेल्या साली त्याच पाण्यात पिळून घ्या. त्यात सोललेले अख्खे आंबे, रस घालून एकत्र करा, सुक्या मिरच्या किंचित कोरड्या भाजून ओलं खोबरं, हळद, गूळ यांच्यासोबत गुळगुळीत वाटा. आंब्याच्या रसात हे वाटप घालून सरसरीत करून मीठ घाला. तेल ( शक्यतो खोबरेल) तापवून त्यात मोहरी, हिंग, कढीपत्ता, मेथी दाणे घालून त्यावर आंबा रस (खोबरं वाटप लावलेला) ओता. हळद घालून एक उकळी काढा. जरा आधी चिरून ठेवल्यास मुरलेले रायते विलक्षण चवदार लागतात.