आंबट-तिखट चविष्ट कढी पकोडा, एकदा खाऊन पाहा, ही घ्या सोपी रेसिपी

कढी पकोडा रेसिपी

• साहित्य :-
• २ कप बेसन
• १/२ कप बारीक चिरलेला कांदा
• ६ बारीक चिरलेल्या हिरव्या मिरच्या
• १ लहान चमचा लाल तिखट
• मीठ चवीनुसार
• २ मोठे चमचे तेल
• पकोडे तळण्यासाठी आणखी वेगळं तेल
• ५ कप आंबट दही
• ६ मोठे चमचे बेसन
• १ लहान चमचा मोहरी
• १/२ लहान चमचा हळदपूड
• ६ उभ्या चिरलेल्या हिरव्या मिरचा
• १ इंच बारिक चिरलेला आल्याचा तुकडा
• चिमूटभर हिंग
• ४ कप गरम पाणी
• मीठ चवीनुसार

हेही वाचा – बटाटा मुसल्लम खाल्लाय का? नसेल तर जाणून घ्या तरला दलाल यांची खास रेसिपी

• सजावटीसाठी साहित्य :
• १ लहान चमचा तेल
• २ अख्ख्या लाल मिरच्या

हेही वाचा – बटाट्याच्या चकत्या खाऊन कंटाळलात? काहीतरी नवीन पाहिजे मग, खाऊन पाहा स्वादिष्ट अन् कुरकुरीत बटाटा फ्राय

कृती

• कढी बनवण्यासाठी दह्यामध्ये बेसन व पाणी घालून मिश्रण मिक्सरने एकजीव करुन घ्या.
• एका मोठ्या पातेल्यात तेल गरम करुन त्यामध्ये मोहरी, हिंगाची फोडणी घाला. मग त्यामध्ये आलं, हिरव्या मिरच्या व हळद घाला.
• त्यानंतर दही-बेसनाचं मिश्रण व मीठ घाला. मोठ्या आचेवर मिश्राण उकळा. मग आच कमी करा. जवळपास १५ मिनिटं मंद आचेवर मिश्रण घट्ट होईपर्यंत शिजवा.
• आता पकोड्यांसाठी बेसनमध्ये पाणी घालून घट्ट भजीसारखं पीठ तयार करा व ते व्यवस्थित फेटा.
• यामध्ये चिरलेला कांदा, हिरव्या मिरच्या, लाल तिखट, मीठ व गरम तेल घाला. पुन्हा एकदा फेटा. मग गरम तेलात याचे पकोडे तयार करा.
• शिजलेल्या कढीमध्ये पकोडे टाका व ५ मिनिटं आणखी मंद आचेवर शिजू द्या. यानंतर सर्व्हींग बाऊलमध्ये कढी ओता.
• एक चमचा तेल गरम करुन त्यामध्ये लाल मिरची परता व ही फोडणी कढीवर ओता.
• ही कढी दिसायलाही छान दिसते.