ख्रिस गेलचे कौशल्य सर्वोत्तम – मॉर्गन

ख्रिस गेलच्या कौशल्याचा दर्जा सर्वोत्तम आहे, असे मत इंग्लंडचा कर्णधार इऑन मॉर्गनने व्यक्त केले.

ख्रिस गेलच्या कौशल्याचा दर्जा सर्वोत्तम आहे, असे मत इंग्लंडचा कर्णधार इऑन मॉर्गनने व्यक्त केले. वानखेडे स्टेडियमवर झालेल्या सामन्यात गेलने इंग्लंडच्या गोलंदाजांची यथेच्छ धुलाई केली. त्याने ११ षटकार आणि पाच चौकारांचा पाऊस पाडून ४८ चेंडूंत नाबाद १०० धावा चोपल्या.
‘‘वानखेडेवरील खेळपट्टी फलंदाजांसाठी पोषक होती आणि त्याचा पुरेपूर फायदा उचलत गेलने दमदार खेळ केला. आम्ही कौशल्याचा योग्य वापर केला असता, तर आम्हीही चांगली कामगिरी करू शकलो असतो, परंतु गेलला संधी मिळाल्यास तो कुणालाच संधी देत नाही,’’ असे मॉर्गनने सांगितले. तो पुढे म्हणाला, ‘‘आमच्या गोलंदाजांना दर्जेदार खेळ करण्यात अपयश आले. सुरुवातीला आमच्या गोलंदाजांनी आक्रमक मारा केला. गेलला रोखण्याच्या अनेक योजना आखल्या होत्या, परंतु त्याला रोखणे कठीण आहे.’’

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्वेन्टी-२० विश्वचषक बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cc world t20 chris gayles skill level was quite up says eoin morgan

ताज्या बातम्या