scorecardresearch

Premium

Tech Tips: ऑनलाईन फसवणूक झाल्यास भारतीय सायबर क्राईम पोर्टलवर तक्रार कशी करायची? ‘या’ आहेत सोप्या स्टेप्स

सध्याच्या काळामध्ये ऑनलाइन घोटाळे जगभरातील एक चिंतेचा विषय बनला आहे.

cyber crime portal in India
सायबर क्राईम (Image Credit-Freepik)

आजच्या काळामध्ये डिजिटलायझेशन मोठ्या प्रमाणात वाढले आहे. आपली बरीचशी कामे ही ऑनलाईन, डिजिटल पद्धतीनेच होत असतात. मात्र या सुविधेमुळे जसे फायदे होतात तसे काही तोटे होऊ शकतात. सध्याच्या काळामध्ये ऑनलाइन घोटाळे जगभरातील एक चिंतेचा विषय बनला आहे. या घटना भारतात देखील घडतात. गेल्या काही महिन्यांमध्ये ऑनलाईन फसवणुकीच्या घटनांमध्येही वाढ झाली आहे.

अशा ऑनलाईन फसवणुकीच्या घटनांमुळे पिडीतांवर आर्थिक आणि भावनिक परिणाम होऊ शकतात. ज्यामुळे त्यांनी त्वरित तक्रार करणे महत्वाचे ठरते. कोणताही फसवणूक झालेला व्यक्ती पोलीस स्टेशनला जाऊ शकतो किंवा सायबर गुन्ह्यांचा रिपोर्ट करण्यासाठी तयार करण्यात आलेल्या नॅशनल सायबर क्राइम रिपोर्टींग पोर्टलकडे जाऊ शकतात. शक्यतो २४ तासांच्या आतच आपली तक्रार नोंदवावी . जेणेकरून पोलीस त्वरित त्या गोष्टी ट्रॅक करू शकतील. याबाबतचे वृत्त India Today ने दिले आहे.

Paytm Fastag
Paytm Fastag Deactivate कसं कराल? सहज-सोप्या पद्धती जाणून घ्या!
Sony Group explores new opportunities after parting ways with Zee
‘झी’शी फारकतीनंतर सोनी समूहाकडून नवीन संधींचा शोध
Budget 2024 rooftop solar and electric vehicle charging ecosystem supply and installation of these EV chargers
Budget 2024 : इलेक्ट्रिक वाहनांना अच्छे दिन; उत्पादन अन् चार्जिंग स्टेशनमध्ये होणार वाढ
Fraud with resident by giving lure of good returns from investment in cryptocurrency
मुंबई : क्रीप्टो करन्सीतील गुंतवणुकीतून चांगल्या परताव्याचे आमिष दाखवून रहिवाशाची फसवणूक

हेही वाचा : आता ३९९ नव्हे तर ‘या’ तीन प्रीपेड प्लॅन्समध्ये Airtel देणार Disney+ Hotstar चे सबस्क्रिप्शन, जाणून घ्या

जर का तुम्हालाही ऑनलाईन घोटाळ्याची तक्रार करायची असल्यास नॅशनल सायबर क्राईम रिपोर्टींग पोर्टलवर जाऊन कशी तक्रार करायची यासाठीच्या सोप्या स्टेप्स जाणून घेणार आहोत.

नॅशनल सायबर क्राइम रिपोर्टींग पोर्टल

नॅशनल सायबर क्राईम रिपोर्टींग पोर्टल हा एक सरकारी उपक्रम आहे ज्याचा उद्देश सायबर गुन्ह्यातील पीडितांना ऑनलाईन तक्रारी करण्यास मदत करणे हे आहे. या पोर्टलवर सव प्रकारच्या सायबर गुन्ह्यांची नोंद घेतली जाते. हे पोर्टल विशेषतः महिला आणि मुलांविरुद्धच्या गुन्ह्यांवर लक्ष केंद्रित करते. हे चोवीस तास कार्यरत आहे मदतीसाठी एक समर्पित हेल्पलाइन क्रमांक (१९३०) उपलब्ध आहे.

नॅशनल सायबर क्राइम रिपोर्टींग पोर्टलवर तक्रार कशी करायची ?

१. सर्वात पहिल्यांदा तुम्ही तुमचे वेब ब्राऊझर ओपन करावे. त्यानंतर पोर्टलच्या https://cybercrime.gov.in वेबपेजवर नेव्हीगेट करावे.

२. होम पेजवर जाऊन File a complaint वर क्लीक करावे.

३. पुढील पेजवर नियम आणि अटी वाचून त्या स्वीकाराव्यात.

४. ‘Report other cybercrime’ button वर क्लिक करावे.

५. त्यानंतर citizen login हा पर्याय निवडा. तसेच नाव,ईमेल आणि फोन नंबरसह तुमचे डिटेल्स प्रविष्ट करा.

हेही वाचा : Samsung Galaxy: सॅमसंगने लॉन्च केले फोल्डेबल फोन्स आणि ‘ही’ वॉच सिरीज, काय आहेत भारतातील किंमती ?

६. तुमच्या नोंदणी केलेल्या फोन नंबरला पाठवण्यात आलेला ओटीपी एंटर करावा. त्यानंतर सबमिट बटणावर क्लिक करावे.

७. त्याच्या पुढील पेजवर तुम्ही ज्या सायबर गुन्ह्याची तक्रार करू इच्छिता त्याबद्दलचे डिटेल्स भरा. हा फॉर्म चार विभागांमध्ये विभागलेला आहे. प्रत्येक विभागात योग्य ते डिटेल्स भरावेत.

८. माहिती भरल्यानंतर सबमिट बटणावर क्लिक करा.

९. तुमच्या घटनेसंदभातील तपशील आणि त्याच्याशी संबंधित पुरावे तिथे भरावेत. जसे की स्क्रीनशॉट्स किंवा फाईल्स. एकदा का माहिती भरली की त्यानंतर सेव्ह आणि नेक्स्ट वर क्लिक करा.

१०. पुढील पेजवर पलब्ध असल्यास कथित संशयिताची माहिती आवश्यक आहे. संशयित व्यक्तीबद्दल काही माहिती असल्यास डिटेल्स भरा.

११. तुम्ही भरलेली माहिती व्हेरिफाय करून सबमिट बटणावर क्लिक करावे.

१२, तुम्हाला एक कन्फर्मेशन मेसेज प्राप्त होईल. त्यात तुमची तक्रार स्वीकारली असल्याचे सांगण्यात येईल. त्यासह एक ईमेल ज्यात तक्रार आयडी आणि अन्य डिटेल्स असतील.

ऑनलाईन व्यवहार, लॉटरी स्कॅम, एटीएम स्कॅम, बनावट कॉल किंवा इंटरनेट बँकिंगशी संबंधित सायबर फसवणूक तक्रार दाखल करताना तुम्हाला फसवणूक झाल्याचे काही पुरावे जोडावे लागतील. बँक स्टेटमेंट, पत्ता आणि आयडी पुरावा यासारखे समर्थन पुरावे आणि तुम्हाला प्राप्त झालेले कोणतेही संशयास्पद मेसेज किंवा ईमेल देखील समाविष्ट केले पाहिजेत.

Latest Comment
View All Comments
Post Comment

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: How to file complaint online scam on cyber crime portal in india check steps tmb 01

First published on: 27-07-2023 at 17:00 IST

संबंधित बातम्या

तुम्ही या बातम्या वाचल्या आहेत का? ×