स्मार्टफोन हे आजच्या काळात अतिशय उपयुक्त आणि वैयक्तिक गॅझेट बनले आहे. बरेच लोक आपले बँकिंग डिटेल्स स्मार्टफोनमध्येच सुरक्षित ठेवतात. यासोबतच फॅमिली फोटो आणि व्हिडीओ देखील स्मार्टफोनमध्ये सेव्ह केले जातात. पण जेव्हा तुमचा स्मार्टफोन चोरीला जातो किंवा हरवतो, तेव्हा तुम्ही खूप अस्वस्थ होतात. कारण ज्याला हा स्मार्टफोन मिळेल तो तुमच्या फोटो, व्हिडीओ आणि बँकिंग डिटेल्सचा गैरवापर करणार नाही, यावर विश्वास ठेवता येत नाही. या समस्येतून सुटका करण्यासाठी सरकारने अलीकडेच सीईआयआर पोर्टल सुरू केले आहे. तुम्ही हरवलेला किंवा चोरीला गेलेला स्मार्टफोन या पोर्टलच्या मदतीने ब्लॉक करू शकता, त्यानंतर तो कोणीही वापरू शकणार नाही. चला जाणून घेऊया कोणत्या प्रक्रियेद्वारे स्मार्टफोन ब्लॉक केला जाऊ शकतो. स्मार्टफोन सापडल्यावर तुम्ही तो अनब्लॉक करू शकतास्मार्टफोन हरवला किंवा चोरीला गेल्यास, काही वेळाने तुमचा स्मार्टफोन सापडला तर तो ब्लॉक झाला असेल. त्यामुळे ब्लॉक केलेला स्मार्टफोन केवळ CEIR पोर्टलच्या मदतीने अनब्लॉक करता येतो. यानंतर, स्मार्टफोन देखील पूर्वीप्रमाणे वापरता येईल. आणखी वाचा : Samsung अफॉर्डेबल फ्लॅगशिप फोन Galaxy S21 FE 5G बाजारात आला, काय आहे किंमत आणि स्पेसिफिकेशन, जाणून घ्या CEIR पोर्टलची गरज का निर्माण झालीदेशात दररोज हजारो स्मार्टफोन चोरीला जातात. पोलिस ठाण्यात कोणाची तक्रार नोंदवूनही पोलिस हे स्मार्टफोन परत मिळवू शकलेले नाहीत. त्याचबरोबर चोर या स्मार्टफोनमधील डेटाचाही गैरवापर करतात. हे लक्षात घेऊन सरकारने चोरीला गेलेले किंवा हरवलेले स्मार्टफोन ब्लॉक करण्यासाठी CEIR पोर्टल सुरू केले आहे. आणखी वाचा : तुमच्या फोनमध्ये हे Privacy-Protection Tools आहेत? कसा करायचा वापर आणि सुरक्षितता कशी मिळवायची? जाणून घ्या फोन चोरीला गेल्यास प्रथम एफआयआर नोंदवावाजर तुमचा स्मार्टफोन चोरीला गेला असेल तर प्रथम पोलीस ठाण्यात एफआयआर दाखल करावा. पोलिस स्टेशन दूर असल्यास ऑनलाइन पद्धतीनेही एफआयआर दाखल करता येईल. यानंतर एक एफआयआर क्रमांक तयार केला जाईल जो भविष्यात स्मार्टफोनचा गैरवापर झाल्यास कायदेशीर मदत करेल. आणखी वाचा : Oppo दाखवणार ब्रॅंड पॉवर, दोन धमाकेदार बजेट फ्रेंडली स्मार्टफोन्स लवकरच भेटीला, जाणून घ्या खास फीचर्स आणि किंमत CEIR वर स्मार्टफोन कसा ब्लॉक करायचा सर्वप्रथम CEIR च्या वेबसाईटवर लॉगिन करा.येथे तुम्हाला Block/Lost Mobile, Check Request Status आणि Un-Block Found Mobile हे पर्याय दिसतील.चोरी झालेला मोबाईल ब्लॉक करण्यासाठी Block/Lost Mobile या पर्यायावर क्लिक करा.यानंतर एक पेज ओपन होईल, ज्यामध्ये मोबाईल डिटेल्स टाकावे लागतील.मोबाईल डिटेल्समध्ये मोबाईल नंबर, IMEI नंबर, स्मार्टफोन कंपनी, बिलाची तारीख, फोन नंबर टाकावा लागेल.तसेच पोलिस तक्रारीची प्रत अपलोड करावी लागेल.त्यानंतर Add more तक्रार वर क्लिक करा, ज्यामध्ये मोबाईल मालकाचे नाव, पत्ता, पॅन कार्ड सोबत आधार कार्ड, ड्रायव्हिंग लायसन्स आणि ओळख टाकावी लागेल.सर्व प्रक्रिया केल्यानंतर तुमच्या नंबरवर एक OTP येईल. त्यानंतर पडताळणीची प्रक्रिया पूर्ण होईल. अशा प्रकारे अंतिम सबमिशन करून मोबाईल फोन ब्लॉक केला जाऊ शकतो.
