ॲमेझॉन, फ्लिपकार्टवर वनप्लसचा ‘हा’ फोन झाला चक्क ४००० रुपयांनी स्वस्त; काय आहेत नव्या किमती जाणून घ्या

वनप्लस नॉर्ड ३ या स्मार्टफोनची मूळ किंमत ही ३३,९९९ रुपये इतकी होती, मात्र सध्या ॲमेझॉन आणि फ्लिपकार्टवर याच फोनची किंमत २९,९९९ रुपये इतकी असल्याचे समजते. म्हणजेच यावर थेट ४००० रुपयांची सूट दिलेली आहे. ही किंमत ८ जीबी रॅम आणि १२८ जीबी स्टोरेज असणाऱ्या मॉडेलसाठी उपलब्ध असल्याची माहिती, इंडिया टुडेच्या एका लेखावरून समजते.

हेही वाचा : तुमचा फोन तुमचे बोलणे ऐकतोय का? तुम्हालाही असा प्रश्न पडला आहे का? मग एकदा ‘ही’ माहिती नक्की वाचा…

परंतु, ही ऑफर मर्यादित वेळेसाठी या साईट्सवर उपलब्ध असू शकते. सध्या तरी ही ऑफर कोणत्या तारखेपर्यंत सुरू राहील याची माहिती मिळाली नसल्याने, तुम्हाला जर हा फोन घ्यायची इच्छा असेल तर त्वरित या ऑफरचा फायदा करून घ्या. त्याआधी वनप्लस नॉर्ड ३ स्मार्टफोन घेण्याआधी त्याचे फिचर्स काय आहेत ते पाहा.

वनप्लस नॉर्ड ३ चे फिचर्स

वनप्लस नॉर्ड ३ हा एक मध्यम रेंजचा फोन आहे, जो सध्या अतिशय किफायतशीर दरामध्ये मिळतो आहे. यास ६.७ इंचाची १२०Hz AMOLED स्क्रीन असून तुम्हाला फोटो व्हिडीओ अतिशय उत्तम प्रकारे दिसू शकतात. याचे पॅनलदेखील अतिशय स्मूथ आहे. अलर्ट स्लाइडर्सच्या मदतीने तुम्ही अगदी सहज वेगवेगळ्या नोटिफिकेशन मोड्समध्ये स्वीच करू शकता.

फोनचे बेस मॉडेल हेच ८ जीबी रॅमचे असल्याने तुम्ही कोणतेही ॲप या फोनमध्ये अगदी सहज वापरू शकता. या फोनमध्ये OxygenOS१३ हे सॉफ्टवेअर आहे, जे फोन अतिशय सुरळीत चालण्यास मदत करते. याचे युआय [UI] उत्तम असून तुम्हाला हा फोन वापरताना मजा येईल.

या फोनमध्ये तुम्हाला ५,०००mAh बॅटरी मिळते, जी बराच काळ टिकून राहते. तुमचा फोन ड्रेन झाल्यानंतर त्याला झटपट चार्ज करण्यासाठी, कंपनी फोनसोबत ८०W चा चार्जरदेखील पाठवते.

हेही वाचा : फोन, लॅपटॉप किती वेगाने चार्ज होतोय हे ‘या’ केबलवरून समजणार; पाहा काय आहे याची किंमत आणि खासियत….

एकंदरीत सर्व गोष्टींचा विचार करता, वनप्लसचा नॉर्ड ३ हा स्मार्टफोन घेणे चांगले ठरू शकते.