Xiaomi एक लोकप्रिय मोबाईल उत्पादक कंपनी आहे. आपल्या ग्राहकांसाठी कंपनी नवनवीन स्मार्टफोन लॉन्च करत असते. शाओमी कंपनीने आपला Xiaomi Civi 3 हा नवीन स्मार्टफोन लॉन्च केला आहे. या फोनमध्ये MediaTek Dimensity 8200 SoC प्रोसेसर देण्यात आला आहे. या फोनची किंमत, फीचर्स आणि स्पेसिफिकेशन्स बद्दल जाणून घेऊयात.
Xiaomi Civi 3 चे फीचर्स
Xiaomi Civi 3 मध्ये वापरकर्त्यांना ६.५५ इंचाचा फुल एचडी प्लस OLED डिस्प्ले देण्यात आला आहे. ज्याचे रिझोल्युशन २४०० x १०८० पिक्सल इतके आहे. तसेच रिफ्रेश रेट हा १२० Hz इतका आहे. या फोनच्या डिस्प्लेला कॉर्निंग गोरिला ग्लासचे प्रोटेक्शन मिळते. कनेक्टिव्हिटीसाठी या फोनमध्ये USB टाइप सी पोर्ट, 5G, 4G, ड्युअल सिम सपोर्ट, NFC, Wi-Fi 6, ब्लूटूथ v5.3 आणि GPS असे फीचर्स देण्यात आले आहेत. तसेच सेफ्टीसाठी इन डिस्प्ले फिंगरप्रिंट सेन्सर देण्यात आला आहे. याबाबतचे वृत्त gadgets360 ने दिले आहे.
Xiaomi Civi 3 मध्ये १६ जीबी रॅम आणि १ टीबी इनबिल्ट स्टोरेज देण्यात आले आहे. शाओमीचा हा फोन अँड्रॉइड १३ वर आधारित MIUI 14 वर काम करतो. या फोनमध्ये ४,५०० mAh क्षमतेची बॅटरी आणि ६७W चे फास्ट चार्जिंग सपोर्ट देण्यात आला आहे. या फोनमध्ये तुम्हाला ट्रिपल रिअर कॅमेरा सेटअप मिळतो. यामध्ये ५० मेगापिक्सलचा प्रायमरी कॅमेरा, ८ मेगापिक्सलचा दुसरा अल्ट्रावाइडचा कॅमेरा आणि २ मेगापिक्सलचा तिसरा मॅक्रो कॅमेरा देण्यात आला आहे. तसेच सेल्फी आणि व्हिडिओसाठी यामध्ये ३२ मेगापिक्सलचा प्रायमरी कॅमेरा आणि ३२ मेगापिक्सलचा अल्ट्रा वाइड असे २ कॅमेरे देण्यात आले.
काय आहे Xiaomi Civi 3 ची किंमत
Xiaomi Civi 3 च्या १२ जीबी रॅम आणि २५६ जीबी व्हेरिएंटची किंमत CNY २,४९९ (२९,३०० रुपये) आहे. तसेच १२ जीबी रॅम आणि ५१२ जीबी व्हेरिएंटची किंमत CNY २,६९९ (सुमारे ३१,६०० रुपये) आणि १६ जीबी रॅम आणि १ टीबी स्टोरेज व्हेरिएंटची किंमत CNY २,९९९ (सुमारे ३५,२०० रुपये) इतकी आहे. हा फोन सध्या कंपनीने चीनमध्ये लॉन्च केला आहे. हा फोन वापरकर्ते dventure Gold, Coconut Grey, Mint Green आणि Rose Purple खरेदी करू शकतात.
