Xiaomi smartphone: स्मार्टफोन खरेदी करताना अनेकजण सर्वात प्रथम कॅमेऱ्याला प्राधान्य देत असतात. सोशल मीडियावर चांगले फोटो शेअर करण्यासाठी फोनचा कॅमेरा खूपच महत्त्वाचा आहे. तुम्ही देखील दमदार कॅमेऱ्यासह येणारा स्मार्टफोन खरेदी करण्याचा विचार करत असाल तर तुमच्यासाठी आनंदाची बातमी आहे. चीनी टेक कंपनी Xiaomi चे संस्थापक आणि सीईओ ली जून (Lei Jun) यांनी 'Xiaomi 12S' अल्ट्रा संकल्पना सादर केली आहे. या संकल्पनेमध्ये, DSLR कॅमेरा सारखा मजबूत लेन्स सेटअप डिव्हाइसला जोडलेला दिसतो. म्हणजेच, आगामी काळात स्मार्टफोनच्या मदतीने डीएसएलआर कॅमेऱ्यासारखा दर्जाही उपलब्ध होणार आहे. Xiaomi कंपनीने Xiaomi 12S Ultra Concept Edition चा टीझर रिलीज केला आहे. यात एक अद्वितीय रियर कॅमेरा सेटअप आहे, ज्यामध्ये चांगल्या फोटोग्राफी करण्यासाठी एक चांगला लीका लेन्सचा (Leica lens) पर्याय उपलब्ध होणार आहे. चिनी कंपनीने आपल्या अधिकृत Weibo अकाउंटवरून नवीन टीझर व्हिडिओ आणि इमेज पोस्टर शेअर केले आहे. टीझरवरून हे स्पष्ट झाले आहे की, हा स्मार्टफोन हाय-एंड डिव्हाइस (A smartphone is a high-end device) असेल. जो फोटोग्राफीसाठी अप्रतिम आणि जबरदस्त असेल. कसा असेल हा कॅमेरा? कॉन्सेप्ट फोन एका दृष्टीक्षेपात नियमित Xiaomi 12S अल्ट्रासारखा दिसतो आणि मॉड्यूलर संलग्नक जोडून मिररलेस कॅमेरामध्ये रूपांतरित केला जाऊ शकतो. विशेष बाब म्हणजे, या संकल्पनेसोबत प्रोफेशनल लीका लेन्स उपकरणाशी जोडण्याचा पर्याय देण्यात आला आहे. जर्मन कॅमेरा मेकर Leica सोबत भागीदारीत कंपनीने एक खास अटॅचमेंट तयार केली आहे. कैमरा क्वॉलिटी अनेक पटींनी चांगली असेल – Xiaomi 12S अल्ट्रा कॉन्सेप्ट फोनमध्ये दोन १-इंच कॅमेरा सेन्सर आहेत, जे नियमित Xiaomi 12S अल्ट्राच्या तुलनेत दुप्पट आहेत. या दोन कॅमेरा सेन्सरपैकी एक नियमित फ्लॅगशिप कॅमेरा म्हणून उपलब्ध होईल आणि दुसरा सेन्सर Leica M-सिरीज लेन्स संलग्न केल्यानंतर उपलब्ध होईल. या अटॅचमेंटसह तुम्हाला मिळणारी कॅमेरा आउटपुट गुणवत्ता खूप चांगली असेल. आणखी वाचा : Realme 10: Realme चा ‘हा’ दमदार स्मार्टफोन अखेर ‘या’ दिवशी होणार लाँच; ‘खरेदी करा फक्त…’ DSLR सारखे फोटो क्लिक होतील! लेन्स जोडण्याच्या बाबतीत, वापरकर्त्यांना लेन्सच्या मदतीने फोकल लांबी बदलण्याचा पर्याय मिळेल, जसे की मिररलेस DSLR कॅमेऱ्यांमध्ये आढळते. यासह, उपकरणामध्ये उपलब्ध हिस्टोग्राम, फोकस पीकिंग आणि १०-बिट RAW सपोर्ट सारख्या UI वैशिष्ट्यांच्या मदतीने, RAW फोटो क्लिक केले जातील, ज्यामुळे संपादनादरम्यान भरपूर संग्रहित डेटाचा फायदा होईल. तसेच, स्मार्टफोन्सच्या सध्याच्या कॅमेर्‍यांची एक निश्चित फोकल लांबी असते, म्हणजेच अटॅचमेंटद्वारे कॅप्चर केलेला प्रकाश दोन लेन्समधून जातो. तथापि, Xiaomi च्या नवीन संकल्पनेत या समस्या नाहीत. सध्या ते विकत घेण्याचा पर्याय नाही, पण बाजारात आल्यानंतर ते DSLR कॅमेरा लेव्हल मोबाईल फोटोग्राफीचे भविष्य ठरवू शकते. Xiaomi हा पहिला ब्रँड असेल ज्याच्या फोनवर पूर्ण Leica कॅमेरा लेन्स बसवलेले असतील. Xiaomi च्या म्हणण्यानुसार Xiaomi 12S अल्ट्रा कॉन्सेप्ट एडिशनला फ्लॅगशिप आणि प्रोफेशनल लेव्हल कॅमेराची कॉलेटी मिळेल. या फोनची संपूर्ण माहिती सध्या समोर आलेली नाही. परंतु Xiaomi केलेल्या दाव्यानुसार हा फोन बाजारात आला तर कॅमेरा कंपनीसाठी येणारा काळ आव्हानात्मक असू शकतो. असा कॅमेरा अटॅचमेंट घेऊन येणारी Xiaomi ही पहिली कंपनी नाही. मोटोरोलाने आपल्या मोटो झेड-सिरीजसाठी हॅसलबाल्ड संलग्नक देखील आणले आहेत आणि अनेक फोन कंपन्यांनी ते वापरले आहेत. तथापि, हे संलग्नक फक्त एका फोनवर वापरले जाऊ शकतात, त्यामुळे फोन खराब झाल्यास किंवा हरवल्यास ते निरुपयोगी होतील. त्याच वेळी, कॅमेरा लेन्स कोणत्याही मॉडेलमध्ये वापरल्या जाऊ शकतात.
