07 March 2021

News Flash

भिवंडीत कपड्याच्या फॅक्टरीला भीषण आग; अग्निशामकच्या तीन गाड्या घटनास्थळी

युद्धपातळीवर ही आग विझवण्याचे काम सुरु आहे. या आगीत किती नुकसान झाले याबाबत अद्याप माहिती उपलब्ध होऊ शकलेली नाही.

ठाणे : भिवंडीच्या एमआयडीसीतील एका कापडाच्या फॅक्टरीला सोमवारी भीषण आग लागली.

ठाणे जिल्ह्यातल्या भिवंडीत एका कपड्याच्या फॅक्टरीला भीषण आग लागल्याची घटना सोमवारी सकाळी घडल्याचे वृत्त आहे. या घटनेची वर्दी मिळताच अग्निशामक दलाचे तीन बंब तत्काळ घटनास्थळी दाखल झाले. युद्धपातळीवर ही आग विझवण्याचे काम सुरु आहे. या आगीत किती नुकसान झाले याबाबत अद्याप माहिती उपलब्ध होऊ शकलेली नाही.

सरवली एमआयडीसीतल्या उजागर डाईंग या फॅक्टरीला ही भीषण आग लागली आहे. या आगीत १२ ते १३ डाईंग जाळून खाक झाले आहेत. ही आग विझविण्याचे युद्धपातळीवर प्रयत्न सुरु झाले असून भिवंडी, कल्याण, एमआयडीसी अग्निशमन दलाच्या गाड्या घटनास्थळी दाखल झाल्या आहेत.

मुंबई आणि परिसरात गेल्या पंधरवड्यात अनेक ठिकाणी आगी लागल्याच्या घटना घडल्या आहेत. चेंबूरच्या टिळकनगर भागात चार दिवसांपूर्वी रहिवासी इमारतीला आग लागली होती. त्यानंतर नुकत्याच झालेल्या शुक्रवारी भिवंडी शहरातही एका भंगार गोदामामध्ये भीषण आग लागली होती. या आगीमध्ये गोदामाच्या शेजारी असलेले दुकान आणि एक दुचाकी सुद्धा जळून खाक झाली होती. आगीत गोदामही जळून खाक झाली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 31, 2018 9:48 am

Web Title: fire breaks out in a cloth factory in bhiwandi three fire tenders present at the spot
Next Stories
1 पत्री पुलाचे काम आठ महिन्यांत पूर्ण करा
2 डोंबिवली : महिलेने गुप्तांग कापलेल्या ‘त्या’ तरुणाचा अखेर मृत्यू
3 टीएमटीत ज्येष्ठांना अर्धे तिकीट
Just Now!
X