News Flash

मुंब्रा येथे इमारत पाडण्यास स्थानिकांचा विरोध

इमारतीमधील सुमारे ३० हून अधिक महिलांनी अंगावर रॉकेल ओतून कारवाई रोखण्याचा प्रयत्न केला.

मुंब्रा येथील किस्मत कॉलनी परिसरातील नूरजहाँ इमारतीचे बांधकाम उच्च न्यायालयाच्या आदेशाने पाडण्याची कारवाई महापालिका प्रशासनाने गुरुवार सकाळपासून हाती घेतली होती. मात्र, या इमारतीमधील सुमारे ३० हून अधिक महिलांनी अंगावर रॉकेल ओतून कारवाई रोखण्याचा प्रयत्न केला. त्यानंतरही पोलीस बंदोबस्तामध्ये पालिकेचे पथक कारवाईसाठी पुढे सरसावले असता रहिवाशांनी पथकातील अधिकारी-कर्मचाऱ्यांच्या अंगावर रॉकेल फेकल्याचा प्रकार घडला. अखेर इमारतीमधील १३ व्यावसायिक गाळ्यांवर कारवाई करून पालिकेच्या पथकास माघारी परतावे लागले. या घटनेमुळे परिसरात दिवसभर तणावाचे वातावरण होते.
मुंब्य्रातील किस्मत कॉलनीमध्ये नूरजहाँ इमारत असून ती सात मजल्यांची आहे. या इमारतीमध्ये १४ गाळे आणि ४४ घरे आहेत. जागामालक आणि बांधकाम व्यावसायिक यांच्यामध्ये जागेवरून वाद सुरू होता. या वादातूनच उच्च न्यायालयात याचिका दाखल झाली होती. या याचिकेच्या सुनावणीदरम्यान न्यायालयाने इमारत तोडण्याचे आदेश महापालिकेस दिले होते.
त्यानुसार या इमारतीचे बांधकाम पाडण्याची कारवाई महापालिका प्रशासनाने गुरुवार सकाळपासून हाती घेतली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 4, 2015 2:46 am

Web Title: local opposed for building demolished in mumbra
Next Stories
1 ‘बाळगंगा’ गैरव्यवहार प्रकरणात तिघांना अटक
2 पाइपवरून उतरताना पडलेला चोर पोलिसांच्या ताब्यात
3 स्थलांतरित कामगारांमध्ये एचआयव्ही बाधित रुग्ण
Just Now!
X