06 March 2021

News Flash

आधारवाडी कारागृहातून दोन कैद्यांचे पलायन

दरोड्यांच्या गुन्ह्यांखाली भोगत होते शिक्षा

Thane : आधारवाडी कारागृहातून पळालेले कैदी.

आधारवाडी कारागृहातून दोन कैदी पळून गेल्याची घटना घडल्याने एकच खळबळ उडाली आहे. कैदी पळाल्याचे लक्षात येताच तुरुंगातील पोलिसांची एकच धावपळ उडाली. आज सकाळी सहा वाजण्याच्या सुमारास हा प्रकार घडला. अंधाराचा फायदा घेत या दोन्ही कैद्यांनी येथून पलायन केले.

मणीशंकर नाडर आणि डेव्हिड देवेंद्रन अशी या फरार कैद्यांची नावे आहेत. कल्याण पश्चिमेकडील आधारवाडी कारागृहात मणीशंकर नाडर आणि डेव्हिड देवेंद्रन हे दोन कैदी शिक्षा भोगत होते. यामधील मणीशंकर नाडर या आरोपीला महात्मा फुले पोलिसांनी तर डेव्हिड देवेंद्रन याला मुंब्रा पोलिसांनी अटक केली होती. या दोघांवर दरोडे आणि चोरीचे गुन्हे दाखल आहेत. या आरोपींना कल्याण न्यायालयाने न्यायालयीन कोठडी ठोठावली होती.

मागील वर्षभरापासून अधिक काळ ते आधारवाडी कारागृहात असून आज सकाळी सहा वाजण्याच्या सुमारास या दोघांनी जेलमध्ये असलेल्या सीसीटीव्ही कॅमेऱ्याच्या वायरचे दोरखंड बनवून जेलच्या मागील बाजूस असलेल्या भिंतीवरून उड्या टाकून पळ काढला. ही बाब लक्षात येताच तुरुंगातील पोलिसांनी पाठलाग करण्याचा प्रयत्न केला. मात्र, अंधाराचा फायदा घेत हे दोघे निसटले. खडकपाडा पोलीस पसार झालेल्या या दोन्ही कैद्यांचा शोध घेत आहेत. दरम्यान, या कैद्यांच्या शोधासाठी ठिकठिकाणी नाकाबंदी करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2017 4:54 pm

Web Title: two prisoners escaped from aadharwadi jail in thane
Next Stories
1 अंगावर झाड पडून गंभीर जखमी झालेल्या वकिलाचा मृत्यू
2 बँकेवर दरोडा टाकण्यासाठी आलेली टोळी जेरबंद
3 परिवहन अधिकाऱ्याचा तरुणीवर लैंगिक अत्याचार; गुन्हा दाखल
Just Now!
X