कल्याण – शिधावाटप कार्यालयात अधिकारी आणि ग्राहक यांच्यामध्ये मध्यस्थ म्हणून काम करणाऱ्या एका शिधावाटप मध्यस्थाला चार जणांनी लाथाबुक्की आणि लोखंडी सळईने बेदम बुधवारी मारहाण केली आहे. या मारहाणीत मध्यस्थाच्या डोक्याला गंभीर दुखापत झाली आहे.

बुधवारी दुपारी मुरबाड रस्त्यावरील प्रशांत हाॅटेलच्या समोर हा प्रकार घडला. क्रिश चाळके आणि त्याचे तीन साथीदार या प्रकरणात आरोपी आहेत. तुषार शशिकांत आहेर (३५) असे शिधावाटप मध्यस्थाचे नाव आहे. ते रामबाग भागात राहतात. तुषार यांनी या मारहाण प्रकरणी महात्मा फुले पोलीस ठाण्यात तक्रार केली आहे.

illegal quarry operator in panvel
पनवेलमध्ये बेकायदा दगडखाण चालविणाऱ्याविरोधात गुन्हा दाखल
Citizens object to concreting works at unnecessary places in navi mumbai
नको तेथे काँक्रीट रिते! अनावश्यक ठिकाणी काँक्रीटीकरणाच्या कामांना नागरिकांचा आक्षेप, शहरभर वाहतूककोंडी
Shanthappa Jademmanavar PSI
आईच्या मजुरीचं पांग फेडलंस! UPSC मध्ये सात वेळा नापास झालेल्या पोलीस उपनिरीक्षकाची यशाला गवसणी
bjp leader ganesh naik campaign for his son sanjeev naik
गणेश नाईकांची पुत्र संजीव नाईकांसाठी मिरा-भाईंदर मध्ये मोर्चे बांधणी, जुन्या समर्थकांना सहकार्य करण्याचे भावनिक आवाहन

हेही वाचा – नयानगरच्या घटनेनंतर ठाणे पोलीस सतर्क, समाजमाध्यमावर धार्मिक तेढ निर्माण करणारे संदेश प्रसारित करणाऱ्यांविरोधात गुन्हा दाखल

हेही वाचा – कल्याण : स्वच्छता अभियानातील निधीची उधळपट्टी आयुक्त इंदुराणी जाखड यांनी रोखली

पोलिसांनी सांगितले, तक्रारदार तुषार आहेर हे शिधापत्रिका तयार करण्याचे काम ग्राहकांकडून घेतात. असेच काम तुषार यांनी आरोपी क्रिश चाळके यांच्याकडून घेतले होते. अनेक दिवस उलटले तरी तुषार नवीन शिधापत्रिका देत नाहीत म्हणून आरोपी क्रिश संतप्त झाले होते. बुधवारी संध्याकाळी तुषार आहेर मुरबाड रस्त्याने पायी चालले होते. तेथे क्रिश चाळके आपल्या तीन साथीदारांच्या बरोबर आला. त्याने तुषार यांना शिवीगाळ करत शिधापत्रिका वेळेत देता येत नसेल तर कशाला लोकांची कामे करायला घेता. का लोकांना फसवता, असे प्रश्न करून तुषार यांना क्रीश आणि त्याच्या साथीदारांंनी लाथाबुक्क्यांनी मारहाण करण्यास सुरुवात केली. आरोपींनी जवळील लोखंडी सळई तुषार यांच्या डोक्यावर मारल्याने त्यांना गंभीर दुखापत झाली आहे. हवालदार के. पी. कामडी या प्रकरणाचा तपास करत आहेत.