News Flash

कर्जबाजारी भारतीयाला दुबईत चक्क ८.५ कोटीची लॉटरी

रक्कम मुलाच्या शिक्षणासाठी खर्च करू

कृष्णम राजू थोकाचीचू याने दुबईत 'बिग ५ तिकीट ड्रॉ' अंतर्गत साडे आठ कोटींहून अधिक रुपयांची लॉटरी जिंकली. ( छाया सौजन्य : गल्फ न्यूज)

नशिबाचे दार कधी उघडतील काही सांगता येत नाही, असंच काहीसं झालं दुबईत राहणाऱ्या एका भारतीय कामगारासोबत. डोक्यावर असलेल्या कर्जाच्या ओझ्यामुळे त्यांचं जगणं मुश्किल झालं होतं. पण ऐनवेळी नशिबाचं दार उघडलं आणि तो रातोरात कोट्यधीश झाला. दुबईत बांधकाम ठिकाणी काम करणारा कृष्णम राजू थोकाचीचू याने दुबईत ‘बिग ५ तिकीट ड्रॉ’ अंतर्गत साडे आठ कोटींहून अधिक रुपयांची लॉटरी जिंकली.

नुकतंच अबुधाबी आंतरराष्ट्रीय विमानतळावर लकी ड्रॉचं आयोजन करण्यात आलं होतं. त्यात कृष्णम यांनी ही रक्कम जिंकली आहे. ‘गल्फ न्यूज’ने यासंबधीचे वृत्त दिले आहे. कधी ना कधी आपण श्रीमंत होऊ या अपेक्षेने कृष्णम नेहमीच आपल्या मित्रांसोबत मिळून लॉटरीचे तिकीट खरेदी करत होते पण त्यांना कधीच लॉटरी लागली नाही. पगार झाला की आपण लॉटरीच्या तिकीटासाठी नेहमीच पैसे बाजूला काढून ठेवायचो पण तीन वर्षांत कधीच लॉटरी लागली नाही, पण यावेळी मात्र नशिब आजमवण्यासाठी आपण मित्रांऐवजी एकट्यानं लॉटरीचं तिकीट खरेदी करण्याचं ठरवलं आणि आश्चर्य म्हणजे त्याला लॉटरी लागली देखील. या पैशातून आपण कर्ज फेडू तसेच उर्वरित रक्कम चार वर्षांच्या मुलाच्या शिक्षणासाठी खर्च करू असंही त्यानं सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2017 12:01 pm

Web Title: an indian expatriate dh5 million in uae big 5 ticket draw
Next Stories
1 मोदींची पाकिस्तानी बहिण, ३६ वर्षांपासून बांधते राखी
2 Viral video : राजकीय विश्लेषक टीव्हीवरील चर्चेसाठी जेव्हा ‘शॉर्ट’ घालून बसतात
3 तुम्हाला माहितीये त्याच्याकडे १५ व्या वर्षी किती संपत्ती आहे? ऐकून थक्क व्हाल
Just Now!
X