विंडीजचा दमदार सलामीवीर ख्रिस गेल म्हणजे गोलंदाजांचा कर्दनकाळ. तो जेव्हा मैदानात उतरतो तेव्हा गोलंदाजांना पळता भुई थोडी होते. आपल्या उत्तुंग षटकारांसाठी ओळखला जाणारा गेल हा मैदानाबरोबरच मैदानाबाहेरील गोष्टींसाठी कायम चर्चेत असतो. पुन्हा एकदा गेल चर्चेत आला आहे त्यामागील कारण आहे त्याने इन्स्टाग्रामवर पोस्ट केलेले काही व्हिडिओ. गेल हा त्याच्या खेळाबरोबरच मैदानावरील सेलिब्रेशनसाठीही ओळखला जातो. विकेट घेतल्यानंतर आनंद व्यक्त करणं असो किंवा सामना जिंकल्यानंतर कॅरेबियन डान्स असो गेल अनेकदा असा सेलिब्रेशनमध्येही सामीलाचा असतो. आयपीएलदरम्यानही अनेकदा गेल भारतीय क्रिकेट संघाचा कर्णधार विराट कोहलीबरोबरही थिरकताना दिसला आहे. गेलला क्लबिंगची विशेष आवड आहे. असाच एका क्लबमधील व्हिडिओ त्याने पोस्ट केले आहेत. मात्र या व्हिडिओंमध्ये तो काही महिला डान्सर्सबरोबर अश्लील डान्स करताना दिसत आहे. व्हिडिओच्या सुरुवातीलच गेल डान्स फ्लोअरवर येतो. तो हळूहळू डान्स फ्लोअरवरील तरुणींबरोबर नाचू लागतो. नंतर तो त्या तरुणींबरोबर अश्लील डान्स करताना व्हिडिओमध्ये दिसते. View this post on Instagram #iAmTheMovie - Imma logout from instagram on this note!! Catch me on #tiktok where the #UniverseBoss will #rock #iThankYouBye #iToldYouImTheGreatestOfAllTime #40ShadesOfGayle #KingOF2020 #IMLit A post shared by KingGayle (@chrisgayle333) on Jan 8, 2020 at 11:46am PST अनेकांनी गेलच्या या डान्सचे कौतुक केलं आहे तर काहींनी त्याच्या या डान्स स्टेपवर नाराजी व्यक्त केल्याचे पहायला मिळत आहे.