१० वर्षांच्या मुलाने पंतप्रधान कार्यालयाला पाठवले १ हजार रुपये

शशांक शाळेतल्या पाच संस्कृत स्पर्धेत अव्वल आला आणि त्यासाठी त्याला १ हजार रुपयांचे बक्षिसही देण्यात आले. पण हे पैसे खर्च न करता शशांकने ते गंगच्या स्वच्छतेसाठी वापरण्याचे ठरवले. यासाठी त्याने मोदींना पत्र लिहून आपला मानस बोलून दाखवला आहे. तसेच गंगा ही आपली पवित्र नदी असून ती स्वच्छ राखली पाहिजे असेही त्याने पत्रात लिहले आहे. इतकेच नाही तर मोदींना त्यांनी आपल्या घरी येण्याचे निमंत्रणही दिले आहे. त्याच्या या पत्राची दखल पंतप्रधान कार्यालयातून घेतली गेली आहे. नमामी गंगेच्या अभियानाला मदत केल्याबद्दल नरेंद्र मोदींनीही त्याचे आभार मानल्याचे पत्र त्याला पंतप्रधान कार्यालयाकडून पाठवण्यात आले आहे.