'गुगल'चं महत्त्व आपल्यासाठी किती मोठं आहे हे वेगळं सांगायची गरज नाही. छोट्या मोठ्या गोष्टींबदद्ल माहिती, कोणतीही मदत एका क्लिकवर आपल्याला उपलब्ध होते. अगदी गल्लीबोळात आपण हरवलो तर पत्तासुद्धा शोधायला गुगल मदत करतं. अशा या सर्च इंजिनचा आज १९ वा वाढदिवस. यासाठी गुगलनं डुडल तयार केलं आहे. १९ व्या वाढदिवसानिमित्तानं खास १९ सरप्राईज गुगलनं युजर्ससाठी आणली आहेत. तेव्हा गुगलच्या होम पेजवर तुम्ही क्लीक केल्यास गुगलकडून एक नाही तर तब्बल १९ आश्चर्याचे सुखद धक्के तुम्हाला मिळणार आहेत. वाचा : तुम्हाला व्हॉट्सअॅपवर ब्लॉक केलंय, हे कसं ओळखाल? गुगलने आपल्या प्रत्येक वाढदिवसाला डुडलद्वारे नेहमीच काहीतरी हटके तयार केलं आहे. फक्त आपला वाढदिवसच नाही, तर अनेक महत्त्वाच्या घटना, महान व्यक्तींची पुण्यतिथी, जयंती या दिवशी गुगलने डुडलद्वारे त्या व्यक्तीनां मानवंदना दिली. आदरांजली वाहिली. या १९ वर्षांत गुगलचे असेच लोकप्रिय ठरलेले काही डुडल्स '१९ सरप्राईज'मध्ये तुम्हाला पाहायला मिळणार आहेत. यासाठी होमपेजवर दिसणाऱ्या चक्रावर क्लिक केल्यास तुम्हाला एक एक करुन नवनव्या डुडल्सचा उलगडा होत जाईल. त्यामुळे गुगल सुरू केल्यानंतर या १९ सरप्राईजमुळे तुमच्या दिवसाची सुरूवात एकदम छान जाईल हे नक्की! आज गुगलचा १९ वा वाढदिवस असला तरी वाढदिवसाच्या तारखेबद्दल संभ्रम काही मिटला नाही. आश्चर्याची गोष्ट अशी की गुगलने आतापर्यंत वेगवेगळ्या तारखांना आपला जन्मदिवस साजरा केला आहे. गुगलने ७, ८, २६ आणि २७ सप्टेंबर अशा वेगवेगळ्या तारखांना आपला वाढदिवस साजरा केला आहे. वाचा : व्वा! शेफला सुट्टी देण्यासाठी मालकाने आठवडाभरासाठी हॉटेलच ठेवलं बंद