एका भारतीय लष्करी अधिकाऱ्यांनी 'फास्टेस्ट सोलो सायकलिंग - (पुरुष)' हा नवीन गिनीज वर्ल्ड रेकॉर्ड केला आहे. लेह ते मनाली हे ४७२ किमी अंतर त्यांनी ३४ तास ५४ मिनिटात पार करून हा विश्वविक्रम केल्याचं संरक्षण प्रवक्त्याने रविवारी सांगितले. 'असा' केला विश्वविक्रम रणनीतिक स्ट्रायकर्स विभागाचे लेफ्टनंट कर्नल श्रीपाद श्रीराम यांनी शनिवारी पहाटे ४ वाजता लडाखमधील लेह येथून सायकलिंग सुरू केली. लेफ्टनंट कर्नल श्रीराम यांनी २६ सप्टेंबर रोजी लेह ते मनाली (हिमाचल प्रदेश) पर्यंत 'फास्टेस्ट सोलो सायकलिंग - (पुरुष)' चा नवीन गिनीज वर्ल्ड रेकॉर्ड केला आहे. एकूण अंतर ४७२ किलोमीटर होते आणि एकूण उंची सुमारे ८,००० मीटर होती ”प्रवक्त्याने सांगितले. ते म्हणाले की, अधिकाऱ्याने कठीण हवामानात पाच प्रमुख पास पार करून ३४ तास आणि ५४ मिनिटांत मार्ग यशस्वीपणे पूर्ण केला. हा कार्यक्रम 'स्वर्णिम विजय वर्ष' उत्सवाचा भाग होता आणि १९५ व्या गनर्स डेचे निमित्तही होते. १९७१ च्या युद्धात पाकिस्तानविरुद्धच्या विजयाची ५० वी जयंती साजरी करण्यासाठी 'स्वर्णिम विजय वर्ष' साजरा केला जात आहे.एकट्याने सायकल चालवताना, आर्मीचे अधिकारी लेह लडाखहून भरतपूर, जिंगजिंग बार, बरालाचा, टांगलांगला सारखे उंच पास पार करून लाहौल मार्गे मनालीला पोहोचले. या दरम्यान, सर्व पासवर तापमान शून्यापेक्षा कमी राहिले, जे लष्करी अधिकाऱ्यासाठी खूप आव्हानात्मक होते. स्वतःच्या जोडीदाराचा विक्रम मोडला उल्लेखनीय म्हणजे, लेफ्टनंट कर्नल श्रीपाद श्रीराम यांनी त्यांच्याच सहकारी लेफ्टनंट कर्नल भारत पन्नूचा विक्रम मोडला आहे. भारत पन्नू यांनी ३५ तास ३२ मिनिटे वेळ नोंदवून हा विक्रम केला. मनालीला पोहोचल्यावर एसडीएम मनाली डॉ सुरेंद्र ठाकूर आणि डीएसपी मनाली संजीव कुमार यांनी लेफ्टनंट कर्नल श्रीपाद श्रीरामांचे स्वागत केले आणि वेळ नोंदवली. लेफ्टनंट कर्नल श्रीराम २५ सप्टेंबर रोजी पहाटे ४ वाजता लेह सोडले आणि २६ सप्टेंबर २०२१ रोजी दुपारी ३.१५ च्या सुमारास मनालीला पोहोचले.
