लग्नसराईला सुरुवात झाली आहे. गावागावात, तसेच शहरांमध्येही लग्नसोहळे पार पडत आहेत. लग्न म्हटले की, सर्वत्र उत्साह अन् आनंदाचे वातावरण असते. लग्नमंडपात नवरदेवाचे वाजत-गाजत स्वागत केले जाते. या समारंभाचे अनेक व्हिडीओ सोशल मीडियावरही व्हायरल होत असतात. पण, लग्नात काही नवरा-नवरी काही ना काही हटके गोष्टी करण्याचा प्रयत्न करतात आणि सोशल मीडियावर ट्रोल होतात. सध्या एका लग्नसमारंभातील असाच एक व्हिडीओ खूप व्हायरल होत आहे; ज्यातील नवरदेवाचा गेटअप पाहून युजर्सनी ट्रोलिंग सुरू केले आहे. व्हिडीओतील नवरदेवाचा गेटअप पाहून युजर्सनाही प्रश्न पडला आहे की, अरे, हा नवरदेव आहे की फुलांची बाग!. अनेकांना हा व्हिडीओ पाहून हसू आवरणे अवघड झाले आहे. व्हिडीओमध्ये नवरदेवाची घोड्यावरून वरात काढली जात आहे; पण नवरदेव फुलांनी अशा प्रकारे सजला आहे की, अनेकांना त्याचा चेहराही नीट दिसत नाही. डोक्यापासून ते कंबरेपर्यंत त्याला विविध फुलांच्या झालरने सजवले आहे. त्यामुळे अनेकांना नवरदेव आहे की फुलांची बाग, असा प्रश्न पडला आहे. त्यामुळे संपूर्ण लग्नातही नवरदेवच चर्चेचा विषय ठरला. https://www.instagram.com/reel/Czqy-n4Sjf-/?utm_source=ig_embed&ig_rid=fd59a63f-be9d-48a1-9b72-d19e70eb27a1 व्हिडीओमध्ये तुम्ही पाहू शकता की, नवरदेव फुलांनी सजून घोड्यावर बसला आहे. अचानक घोडा दोन पायांवर उभा राहतो. क्षणभर असे वाटले की, नवरदेव खाली पडेल; पण तो स्वत:ला सावरतो आणि घोड्यावर तसाच बसून राहतो. यावेळी घोड्याच्या स्टंटबाजीपेक्षा अनेकांचे लक्ष नवरदेवाच्या गेटअपकडेच होते. कारण- त्याला फुलांनी अशा प्रकारे सजवले होते की, चेहरा नीट दिसत नव्हता. हा व्हिडीओ पाहून युजर्सही आश्चर्यचकित झाले आहेत. @mastan_horse_bilamana नावाच्या इन्स्टाग्राम अकाउंटवरून हा व्हिडीओ पोस्ट करण्यात आला आहे; ज्यावर अनेक युजर्सनीही अतिशय भन्नाट कमेंट्स केल्या आहेत. एका युजरने मिश्कीलपणे विचारले की, घोड्यावर बसलेला नवरदेव आहे की फुलांची बाग? तर दुसरा युजर म्हणाला की, भाऊ, नवरदेवाचा काहीतरी विचार करा. तर तिसऱ्या एका युजरने, हे सर्व करण्याची काय गरज होती, असा सवाल उपस्थित केला आहे.