Student Dies In Kota Hostel Video: राजस्थान मधील कोटा येथील हॉस्टेलमध्ये अत्यंत धक्कादायक घटना घडल्याचे समजत आहे. गुरुवारी रात्री ११ वाजून १५ मिनिटांनी एक तरुण आपल्या मित्रांसह घरच्या बाल्कनीत बसला असताना त्याच्यावर काळाने घाला घातला.बाल्कनी मध्ये मित्रांच्या मस्तीमध्ये या तरुणाला आपला प्राण गमवावा लागल्याचे समजत आहे. या धक्कादायक घटनेचा एक व्हिडीओ सुद्धा सोशल मीडियावर पाहायला मिळत आहे. प्राप्त माहितीनुसार हा तरुण विद्यार्थी तोल गेल्याने सहाव्या माळ्यावरून खाली पडतो. बाल्कनीच्या रेलिंगची जाळी तुटून तो त्यासह खाली कोसळल्याचे समजत आहे.

डीएसपी अमर सिंह यांनी दिलेल्या माहितीनुसार मृत तरुणाचे नाव इशांशु भट्टाचार्य असे असून तो २० वर्षाचा होता. मागील वर्षी ऑगस्टमध्ये पश्चिम बंगाल जलपाईगुड़ी येथील मूळ रहिवाशी असणारा इशांशु कोटा इथे आला होता. तो कोटाच्या जवाहर नगर भागात राहून नीटची तयारी करत होता. मृत तरुणाचे शवविच्छेदनासाठी भीमसिंह हॉस्पिटलमध्ये पाठवण्यात आले होते. वात्सल्य रेजीडेंसी होस्टेलच्या सहाव्या माळ्यावरून इशांशु खाली पडला.

man kidnapped for marriage hyderabad
फोटो पाहून प्रेम, लग्नासाठी व्यावसायिक महिलेनं केलं मुलाचं अपहरण; गुन्हा दाखल
pune crime news, youth killed by his relatives dhayari
पुणे : धायरीत जमिनीच्या वादातून नातेवाईकांकडून तरुणाचा खून, मृतदेह ताब्यात घेण्यास नातेवाईकांचा नकार
try these five amazing use of eggshells tips
आज अंड्याचा नव्हे, तर त्याच्या ‘कवचांचा’ फंडा पाहू! कचऱ्यात फेकून देण्याआधी या पाच टिप्स पाहा
love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…

डीएसपीच्या माहितीनुसार, सदर घटनेची माहिती मिळताच हॉस्टेलमधील अन्य विद्यार्थी सुद्धा घटनास्थळी पोहोचले होते. तात्काळ इशांशुला घटनास्थळावरून जवळच्या खाजगी हॉस्पिटलमध्ये नेण्यात आले होते पण त्यावेळी त्याला लगेचच मृत घोषित करण्यात आले. एवढ्या उंचीवरून पडल्यावर इशांशुचा चेहरा छिन्नविछिन्न झाला होता.

सहाव्या माळ्यावरून पडून विद्यार्थ्याचा मृत्यू

दरम्यान, या घटनेचा व्हिडीओ सीसीटीव्हीमध्ये पाहिल्यावर सदर घटना ही आत्महत्येचे प्रकरण नसल्याचे पोलिसांचे म्हणणे आहे. इशांशु हा तोल गेल्याने बाल्कनीतून खाली कोसळला व म्हणूनच मृत्यू झाल्याचे समजत आहे.