28 September 2020

News Flash

ज्ञानोबा-तुकोबांच्या गजरात तुकाराम महाराजांच्या पालखीचे देहूतून प्रस्थान

टाळ-मृदंगाच्या ठेक्यात आणि ज्ञानोबा-तुकोबांच्या गजरात जगदगुरू संत तुकाराम महाराजांच्या पालखीने आषाढी वारीसाठी गुरुवारी दुपारी देहूतून प्रस्थान ठेवले.

| June 19, 2014 07:27 am

टाळ-मृदंगाच्या ठेक्यात आणि ज्ञानोबा-तुकोबांच्या गजरात जगदगुरू संत तुकाराम महाराजांच्या पालखीने आषाढी वारीसाठी गुरुवारी दुपारी देहूतून प्रस्थान ठेवले. संपूर्ण देहू नगरी प्रस्थान सोहळ्यामुळे भक्तिचैतन्यात दंग झाली होती. लाडक्या विठ्ठलाच्या दर्शनासाठी आसुसलेले वारकरी तुकाराम महाराजांच्या पालखीसोबत शुक्रवारी पंढरपूरच्या दिशेने वाटचाल सुरू करणार आहेत. पालखीचा मुक्काम आज इनामदारवाड्यात असेल. 
प्रस्थानापूर्वी शिळा मंदिरात गुरुवारी पहाटे साडेचार वाजता महापूजा करण्यात आली. सकाळी नऊ वाजता पालखी सोहळा सप्ताह काल्याचे कीर्तन झाले. दुपारी अडीच वाजता पालखी सोहळ्याच्या प्रस्थान कार्यक्रमाला सुरुवात झाली. प्रस्थान झाल्यावर मंदिर प्रदक्षिणा केल्यानंतर फुलांनी सजविलेली तुकाराम महाराजांची पालखी देऊळवाड्यातून बाहेर पडली. पालखीसोहळ्यासाठी पुणे ग्रामीण पोलीसांकडून कडक बंदोबस्त ठेवण्यात आला आहे. सीसीटीव्हींच्या माध्यमातूनही सर्वत्र नजर ठेवण्यात येते आहे.
(छायाचित्रे – राजेश स्टिफन) 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2014 7:27 am

Web Title: tukaram maharaj palkhi prasthan for ashadhi wari
टॅग Palkhi,Wari
Next Stories
1 इंद्रायणीचे पात्र निर्मळ राखण्यासाठी कार्यकर्ते सरसावले
2 पालखी प्रस्थान सोहळ्यावर सीसीटीव्हीने लक्ष
3 वारी आनंदाची..
Just Now!
X