वसईत एसबीआय बँकेचे एटीएम लुटण्याचा प्रयत्न; अलार्म वाजला आणि चोर पळाले

वसई: वसई मध्ये पुन्हा एकदा एटीएम केंद्र लुटण्याचा प्रयत्न केल्याची घटना घडली आहे. वसई पश्चिमेच्या बाभोळा येथे असलेल्या एसबीआय बँकेचे एटीएम लुटण्याचा प्रयत्न मध्यरात्री झाला. मात्र यंत्र फोडता न आल्याने चोरांनी फळ काढला.वसई पश्चिमेला बाभोळा येथे स्टेट बँक ऑफ इंडियाचे एटीएम केंद्र आहे. मध्यरात्री दोनच्या सुमारास चोरांच्या एक टोळीने या एटीएम केंद्रात शिरून यंत्र फोडण्याचा प्रयत्न केला. मात्र त्यांना एटीएम यंत्र फोडता आले नाही. दरम्यान, एटीएम केंद्रांमध्ये असलेल्या सुरक्षा यंत्रणेतून धोक्याची सूचना देणारा अलार्म वाजला. त्यामुळे चोर सावध झाले आणि त्यांनी तिथून पळ काढला. याप्रकरणी माणिकपूर पोलीस ठाण्यात चार अज्ञात आरोपींच्या विरोधात गुन्हा दाखल झाला आहे