करोना विषाणूशी लढताना महत्वाचं योगदान देणाऱ्या डॉक्टरांप्रती विविध मार्गांनी नागरिक कृतज्ञता व्यक्त करीत आहेत. अशाच प्रकारे नौदलानेही पणजीतील गोवा मेडिकल कॉलेजच्या डॉक्टरांचे आणि आरोग्य कर्मचाऱ्यांचे अनोख्या पद्धतीने आभार मानले. नौदलाच्या हेलिकॉप्टर्सनी मेडिकल कॉलेजच्या इमारतीवर फुलांच्या पाकळ्यांचा वर्षाव करीत त्यांच्या प्रती कृतज्ञता व्यक्त केली.