पालघरच्या दांडी नवापूर खाडीत आढळले हजारो मृत मासे

ल़ॉकडाउन काही प्रमाणात शिथिल झाल्यानंतर तारापूर औद्योगिक वसाहतीमधील कारखाने पुन्हा सुरू झाले आहेत. यातील काही उद्योगांनी नाल्यांमध्ये प्रक्रियेविना पाणी सोडण्याचे परिणाम लागलीच दिसून आले आहेत. बोईसर जवळच्या दांडी-नवापूर खाडीमध्ये हजारोच्या संख्येने मासे मेल्याचे दिसून आले. पाण्यामध्ये मिसळलेल्या रसायनांच्या मुळे खाडीमध्ये असलेले लहान व मध्यम आकाराचे बोई मासे मृत पावल्याचे दिसून आले आहे.