…अन् तीन वर्षांच्या अंशिकाला आला मुख्यमंत्री उद्धव ठाकरे यांचा फोन

“मी दुधवाले काकांना पैसे दिले म्हणून, पंतप्रधान नरेंद्र मोदी बाबा आणि मुख्यमंत्री उद्धव ठाकरे काका या दोघांना तुझे नाव सांगते. असा मला आईने दम दिला होता. त्यावर मी म्हटले नको सांगू, आई मी तुझे ऐकते.  हे दोघे मला खूप आवडतात. त्यानंतर मला उद्धव काकांचा संध्याकाळी फोन आला. माझ्याशी उद्धवकाका खूप छान बोलले, मी तिकडे येऊ का? असे ते म्हणाले. मात्र, काका इकडे येऊ नका करोना आहे ना असं मी त्यांना म्हणाल्याचं.. अवघी तीन वर्षांच्या अंशिका शिंदे ही चिमुकली आपल्या बोबड्या बोलात सांगते. एवढंच नाहीतर  उद्धव काका १८ जूनला माझा वाढदिवस आहे. तेव्हा नक्की या आणि तुम्ही काळजी घ्या, असंही ती म्हणते.