करोनाच्या सावटाखाली यंदाच्या पालखी सोहळ्याला शुक्रवारपासून सुरुवात झाली. काल संत तुकाराम महाराजांच्या पालखीचे देहूतून प्रस्थान झाल्यानंतर आज संध्याकाळी संत ज्ञानेश्वर महाराजांचा पालखीचे प्रस्थान होणार आहे. दरम्यान, पहाटे चार वाजता माऊलींच्या संजीवन समाधीवर घंटानाद, काकड आरती, पवमान अभिषेक, पंचामृत पूजा, दुधारती, पहाटपूजा करण्यात आली. दरम्यान, मंदिर परिसरात करोनाच्या पार्श्वभूमीवर निर्जंतुकीकरण करण्यात आले.