Pune: पैशांचा पाऊस पडतो म्हणत भोंदू बाबाने पळवले बांधकाम व्यावसायिकाचे १८ लाख रुपये!;पाहा घडलं काय?
पुण्यातील हडपसर भागातील एका बांधकाम व्यावसायिकाला पैशांचा पाऊस पडतो असं सांगून एका भोंदू बाबासह तिघांनी १८ लाख रुपये पळवून नेल्याची घटना घडली आहे. या घटनेमुळे एकच खळबळ उडाली आहे. आरोपी बाबा आयरा शाब (भोंदू बाबा), माधुरी मोरे, रॉकी वैद्य, किशोर पांडागळे या चार आरोपींनी बांधकाम व्यावसायिक विनोद परदेशी यांची आर्थिक फसवणुक केली. या सर्व आरोपींचा शोध सुरू असल्याचं पोलिस अधिकाऱ्यांनी सांगितलं.