Har Mandir Safai Abhiyan: पुण्यातील रोकडोबा मंदिरापासून भाजपाच्या मंदिर स्वच्छता अभियानाला सुरवात!
पंतप्रधान नरेंद्र मोदी यांनी ‘हर मंदिर स्वच्छता अभियान’ राबवण्यात यावे असे आवाहन केले होते. त्यानुसार आज (१४ जानेवारी) पुण्यातील शिवाजीनगर गावठाण येथील रोकडोबा मंदिरामध्ये भाजपाचे प्रदेशाध्यक्ष चंद्रशेखर बावनकुळे यांच्या हस्ते स्वछता अभियानास सुरुवात करण्यात आली. त्यावेळी त्यांनी प्रसार माध्यमांच्या प्रतिनिधींबरोबर संवाददेखील साधला. ते म्हणाले की, “पंतप्रधान नरेंद्र मोदी यांनी संपूर्ण देशातील नागरिकांना मंदिरांची स्वच्छता करण्याचे आवाहन केले आहे. त्यानुसार २२ जानेवारीपर्यंत ‘हर मंदिर स्वच्छ अभियान’ हे सुरू राहणार आहे. हे अभियान देशव्यापी असून याची सुरुवात पुण्यामधून झाली आहे. या अभियानामध्ये सातत्य राहणार असून, हे अभियान फोटो सेशनसाठी नाहीये”