मुंबईतील कोस्टल रोडच्या एका मार्गिकेचं आज उद्घाटन मुख्यमंत्र्यांच्या हस्ते झालं. गेल्या काहि महिन्यांपासून या प्रकल्पाच्या श्रेयवादावरून सत्ताधारी आणि ठाकरे गटात कलगीतुरा रंगला होता. मुख्यमंत्री एकनाथ शिंदे यांनी आपल्या भाषणात म्हटलं की, केलेल्या कामाचं श्रेय द्यायला मनाचा मोठेपणा लागतो. कद्रू वृत्तीचा माणूस कधीच ते श्रेय देऊ शकत नाही, अशी टीका मुख्यमंत्र्यांनी उद्धव ठाकरेंचं नाव न घेता केली.