शिवसेनेचे सुरेश जैन, राष्ट्रवादीचे गुलाबराव देवकर यांसह जिल्ह्य़ातील जळगाव शहर, जळगाव ग्रामीण, जामनेर व चोपडा या मतदारसंघात विद्यमान आमदारांनी शुक्रवारी उमेदवारी अर्ज दाखल केले. सुरेश जैन पालिका घरकुल घोटाळ्याप्रकरणी धुळे कारागृहात असल्याने त्यांचा उमेदवारी अर्ज राजेश जैन, रत्ना जैन यांनी दाखल केला. तर, राष्ट्रवादीचे गुलाबराव देवकर हेही घरकुल घोटाळ्याप्रकरणी कारागृहात असल्याने जळगाव ग्रामीणमधून त्यांच्या वतीने विशाल देवकर यांनी उमेदवारी अर्ज दाखल केला.
