25 September 2020

News Flash

मनरेगा कर्मचाऱ्यांचा आंदोलनाचा इशारा

प्रलंबित मागण्यांकडे लक्ष वेधण्यासाठी आयटक संलग्न महात्मा गांधी राष्ट्रीय रोजगार हमी कायदा कर्मचारी संघटनेच्या वतीने नागपूर येथे २४ जूनपासून आंदोलन करण्याचा निर्णय येथे आयोजित बैठकीत

| June 15, 2013 02:45 am

प्रलंबित मागण्यांकडे लक्ष वेधण्यासाठी आयटक संलग्न महात्मा गांधी राष्ट्रीय रोजगार हमी कायदा कर्मचारी संघटनेच्या वतीने नागपूर येथे २४ जूनपासून आंदोलन करण्याचा निर्णय येथे आयोजित बैठकीत घेण्यात आला आहे. राजू देसले यांच्या अध्यक्षतेखाली व राजन क्षीरसागर यांच्या प्रमुख उपस्थितीत ही बैठक झाली.
शासनाकडे वारंवार पाठपुरावा करूनही कंत्राटी कर्मचाऱ्यांच्या पदरी निराशाच आहे. शासनाने वेळोवेळी फक्त आश्वासने दिली. मात्र कुठल्याही आश्वासनाची पूर्तता केली नाही. मंत्रालयावरदेखील मोर्चा काढण्यात आला होता. जेलभरो आंदोलनानंतरही शासनाने दखल तर घेतलीच नाही, उलट कंत्राटी कर्मचाऱ्यांचे मानधन वाढविण्यासंदर्भात निर्णय घेण्यात आला. मात्र शासनाने मानधनात कुठल्याही प्रकारची वाढ केली नाही. शासन निर्णय हा मानधनवाढीचा असला तरी त्यावरील संबंधित पदांना तेवढेच मानधन दिले आहे. ही कंत्राटी कर्मचाऱ्यांची दिशाभूल असून याचा तीव्र निषेध संघटनेने केला आहे. २४ जून रोजी नागपूर येथे आयुक्तालय कार्यालयासमोर आंदोलन करण्याचे बैठकीत ठरविण्यात आले.
 जोपर्यंत मागण्यांचा विचार होत नाही तोपर्यंत आंदोलन करीतच राहण्याचे ठरविण्यात आले. बैठकीस २८ जिल्ह्यांचे प्रतिनिधी उपस्थित होते.
मनरेगा कर्मचाऱ्यांनी या आंदोलनात सहभागी होण्याचे आवाहन सचिन पाटील, विनय कटारे, हेमंत बोराळे यांनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2013 2:45 am

Web Title: agitation warning by manrega employee
टॅग Demand
Next Stories
1 ‘मविप्र’ औषधनिर्माणशास्त्राचे विद्यार्थी संपूर्ण विद्यावेतनापासून वंचित
2 प्रवेशासाठी देणगी; चाळीसगावच्या विद्यालयास ४० लाखाचा दंड शक्य
3 नॉन क्रीमीलेअर आणि जातपडताळणी दाखले त्वरित द्यावेत- वसंत गिते
Just Now!
X