सिम्बायोसिस संस्थेच्या प्रधान संचालक डॉ. विद्या येरवडेकर यांची भारतीय सांस्कृतिक संबंध परिषदेच्या नियामक मंडळावर निवड करण्यात आली आहे. भारतीय सांस्कृतिक संबंध परिषद ही भारत सरकारच्या परराष्ट्र व्यवहार विभागांतर्गत कार्यरत असलेली स्वतंत्र संस्था आहे. भारतीय सांस्कृतिक संबंध परिषद भारताच्या सांस्कृतिक आणि शैक्षणिक विकासासाठी राष्ट्रीय तसेच आंतरराष्ट्रीय स्तरावर कार्यरत आहे. डॉ. येरवडेकर यांची सलग तिसऱ्यांदा निवड झाली असून पुढील तीन वर्षांसाठी त्या कार्यरत राहणार आहेत.
