तालुक्यातील कऱ्हाळे डिग्रस शिवारात जखमी अवस्थेत पडलेल्या काळविटाला उपचारासाठी हिंगोलीच्या पशुवैद्यकीय दवाखान्यात दाखल करण्यात आले. मात्र, उपचारांदरम्यान त्याचा मृत्यू झाला. दरम्यान, या प्रकरणी वन अधिकाऱ्यांनी अकोला जिल्ह्य़ातील संशयीत आरोपी महेंद्र सिंग व चुन्नुसिंग यांना मंगळवारी ताब्यात घेतले. त्यांच्याकडून दोन एअरगन, चाकू, छर्रे, गुल्हेर असे शिकारी साहित्य जप्त करण्यात आले. वन अधिकाऱ्यांनी आरोपींच्या नावाबद्दल खात्री दिली नाही. कारण ते बनवाबनवी करीत असल्याची शंका त्रिपाठी यांनी माहिती देताना व्यक्त केली. त्यांच्या चौकशीचे काम रात्री उशिरापर्यंत चालू होते.
