14 August 2020

News Flash

वळण रस्त्यासाठी परभणीत भूसंपादनाची प्रक्रिया सुरू

परभणी शहर वळण रस्त्यासाठी शेतजमीन भूसंपादन करण्याची प्रक्रिया जिल्हा प्रशासनाने सुरू केली आहे. वळण रस्त्यासाठी वांगी व कारेगाव शिवारातील २६ एकर २३ गुंठे जमीन संपादित

| February 6, 2013 01:52 am

परभणी शहर वळण रस्त्यासाठी शेतजमीन भूसंपादन करण्याची प्रक्रिया जिल्हा प्रशासनाने सुरू केली आहे. वळण रस्त्यासाठी वांगी व कारेगाव शिवारातील २६ एकर २३ गुंठे जमीन संपादित करण्यात येणार आहे. या साठी ७२ कोटी खर्च अपेक्षित आहे. जिल्हा विकास मंडळातून १२ कोटींचा निधी रस्त्यासाठी देण्यात आला. निधीअभावी वळण रस्त्याचे काम रखडू नये, या साठी लोकप्रतिनिधींनी शासनस्तरावर प्रयत्न करण्याची गरज आहे.
गेल्या १५-२० वर्षांपासून परभणी शहर वळण रस्त्याचे काम प्रस्तावित आहे. पाथरी रस्त्यावरील रेणुका मंगल कार्यालयाजवळून सुरू होऊन हा रस्ता वसमत रस्त्यावर अमोल पेट्रोलपंपाजवळ येणार आहे. वळण रस्ता जवळपास ९ किलोमीटर लांबीचा आहे. निधीअभावी वळण रस्त्याचे काम अडगळीत पडले होते. सात वर्षांपूर्वी या रस्त्याला राष्ट्रीय महामार्गाचा दर्जा मिळाला. त्यामुळे वळण रस्त्याची मागणी पुन्हा ऐरणीवर आली. या रस्त्यासाठी किमान ७२ कोटी लागतील. शासनाकडून निधी उपलब्ध न झाल्यास पुन्हा काम रखडले जाऊ शकते. कारेगाव शिवारातील चार एकर १३ गुंठे व वांगी शिवारातील २२ एकर १० गुंठे जमीन संपादित करण्यात येणार आहे. परंतु निधीची कमतरता पडण्याचीच भीती व्यक्त होत आहे. त्यामुळे वळण रस्त्याचे काम मार्गी लावण्यासाठी सरकारकडून आवश्यक निधी मिळण्याची गरज आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 6, 2013 1:52 am

Web Title: land acquisition process started for diversion road
टॅग Land Acquisition
Next Stories
1 गावाच्या विकासासाठी गावक ऱ्यांनी मार्गदर्शक बनावे – फौजिया खान
2 सहारा चाइल्ड सेंटरतर्फे दीडशे मुलांना कपडेवाटप
3 चव्हाण यांच्या दौऱ्यात ‘मिलके चलो’चा नारा!
Just Now!
X