कुष्णाबाई संस्थान घाट धर्मपुरी वाई यांच्या वतीने २९ व्या राज्यस्तरीय गायन स्पर्धेचे आयोजन करण्यात आले आहे. गुरुवार दि. २१ ते शनिवार २३ फेब्रुवारी दरम्यान होणाऱ्या शास्त्रीय नाटय़ व सुगम संगीत स्पर्धेसाठी १५ ते ३५ वयोगटातील स्पर्धकांनी संपर्क साधण्याचे आवाहन करण्यात आले आहे. सुगम संगीतासाठी ८ ते १४ हा बालगटही आहे. बालगटासाठी संगीतातील विजेत्यांना तीन हजार एक, दोन हजार एक व एक हजार एक; तर नाटय़ व सुगम संगीतासाठी दोन हजार एक, पंधराशे एक व एक हजार एक अशी बक्षिसे असतील. याशिवाय उत्तेजनार्थ बक्षिसेही आहेत. नावनोंदणीसाठी वाई येथे अमित सोहनी ९०२८४३५७५८ व पुणे येथे कृष्णाजी बल्लाळ आणि कं. (०२०) २४४७२०७६ वर संपर्क साधण्याचे आवाहन करण्यात आले आहे.
