पुण्याहून कोल्हापूरकडे जाताना स्विफ्ट कारवरील चालकाचा ताबा सुटल्याने कार महामार्गावरून सेवा रस्ता व महामार्गादरम्यानच्या गटारात जाऊन पलटी झाली. कराड तालुक्यातील पाचवड फाटय़ानजीक ही घटना घडली. अपघातात पुण्यातील पाच जण जखमी झाले. कार्तिक मिश्रा (वय १९), तेजस ठक्करलाल लोहाना (वय २०, दोघेही रा. कोथरूड, पुणे), तिलांक राजेंद्र (वय २०, शास्त्रीनगर, पुणे), लक्ष भटनागर (वय २०), राहुल पाल (वय २० दोघेही रा. भारती विद्यापीठ, पुणे) अशी जखमींची नावे आहेत. सर्व जखमींना उपचारासाठी कृष्णा रुग्णालयात दाखल करण्यात आले आहे. अपघाताची नोंद कराड तालुका पोलीस ठाण्यात झाली आहे.
