पायधुनी पोलिसांनी गुरुवारी छापा घालून एक किलो एमडी (मॅफ्रेडॉन) हा अमली पदार्थ जप्त केला. त्याची किंमत ८० लाख रुपये आहे. आतापर्यंतची ही सर्वात मोठी कारवाई मानली जाते.पायधुनी पोलिसांनी गेल्या काही महिन्यांपासून अमली पदार्थाविरोधात मोहीम सुरू केली होती. एमडी हा अमली पदार्थ विकणारा एक पुरवठादार इक्बाल हामिद मेनन ऊर्फ तिकीट मशिद बंदर येथे असल्याची माहिती मिळाल्यानंतर वरिष्ठ पोलीस निरीक्षक सुनील कवळेकर यांच्या पथकाने छापा घातला. मेननच्या घरातून पोलिसांनी एक किलो एमडी हा अमली पदार्थ जप्त केला. त्याची किंमत ८० लाख रुपये आहे. मेनन हा दक्षिण मुंबईतील अमली पदार्थ विकणाऱ्यांना एमडी पुरवत होता.
