वीज दरवाढीच्या निषेधार्थ शेतक ऱ्यांचे जेलभरो आंदोलन

शेतीपंपाची वाढीव वीज आकारणी रद्द करावी या मागणीसाठी गुरुवारी शेतक ऱ्यांचे जेलभरो आंदोलन झाले. यामध्ये सुमारे १ हजार शेतक ऱ्यांना अटक करण्यात आली. 
राज्यातील कृषीपंपाची वीज आकारणी यापूर्वीच ठरावीक रकमेने केली जात होती. त्यामध्ये अलीकडच्या काळात बदल करण्यात आला असून मीटरप्रमाणे वीज आकारणी केली जात आहे. त्यामुळे शेतक ऱ्यांना तिप्पट-चौप्पट दराने वीज बिले येऊ लागली असून त्यांची आर्थिक फरफट झाली आहे. तत्कालीन ऊर्जामंत्री राजेश टोपे यांच्याशी झालेल्या चर्चेवेळी वीज आकारणी पूर्ववत करण्याचे आश्वासन दिले होते. त्याची पूर्तता न झाल्याने शेतक ऱ्यांनी आंदोलन उभे केले आहे.    
आंदोलनाचा टप्पा म्हणून गुरुवारी महाराष्ट्र राज्य इरिगेशन फेडरेशनच्या वतीने जेलभरो आंदोलनाचे आयोजन केले होते. आंदोलनात सहभागी होण्यासाठी जिल्ह्य़ातील शेतकरी महावितरणाच्या कार्यालयासमोर जमले होते. तेथे शासनाच्या निष्क्रियतेच्या तसेच वीज दरवाढीच्या निषेधाच्या घोषणा देण्यात आल्या.
या वेळी झालेल्या सभेत इरिगेशन फेडरेशनचे अध्यक्ष अशोक पाटील-किणीकर, बाबासाहेब पाटील-भुयेकर, माजी आमदार संजय घाटगे आदींची भाषणे झाली. त्यानंतर पुन्हा शेतक ऱ्यांनी निदर्शने केली. निदर्शने करणाऱ्या शेतक ऱ्यांना पोलिसांनी अटक करून नंतर त्यांची सुटका केली.