िपपरी उड्डाणपुलाखालील कत्तलखाना बंद करण्यासाठी पालिकेवर सर्वपक्षीय मोर्चा

िपपरीच्या उड्डाणपुलाखालील अनधिकृत कत्तलखाना कायमचा बंद करण्याच्या मागणीसाठी गोवंश रक्षा समितीने काढलेल्या मोर्चाचे रूपांतर नंतर सर्वपक्षीय मोर्चात झाले. महापालिकेवर हा मोर्चा नेण्यात आल्यानंतर खासदार गजानन बाबर यांच्या नेतृत्वाखालील शिष्टमंडळाने आयुक्तांची भेट घेतली असता याबाबतची सर्व माहिती घेऊन आठवडय़ात निर्णय घेऊ, असे आश्वासन आयुक्तांनी दिले.
िपपरीत २० वर्षांहून अधिक काळ सुरू असलेला कत्तलखाना बंद करण्याच्या मागणीकडे लक्ष वेधण्यासाठी गोवंश रक्षा समितीने गुरुवारी मोर्चा आयोजित करून सर्वाना सहभागी होण्याचे आवाहन केले होते. त्यामध्ये खासदार बाबर, शिवसेनेचे जिल्हाप्रमुख उमेश चांदगुडे, भाजपचे शहराध्यक्ष एकनाथ पवार, अमर साबळे, माजी महापौर संजोग वाघेरे, बांधकाम व्यावसायिक संदीप वाघेरे, मिलिंद एकबोटे, डॉ. कल्याण गंगवाल, प्रकाश मीठभाकरे, नितीन वाटकर, कुणाल साठे, अभिजित िशदे आदींसह विविध संघटनांचे कार्यकर्ते व मोठय़ा संख्येने नागरिक सहभागी झाले होते. त्यासाठी मोठा पोलीस बंदोबस्त होता.