१ लाख कोटी रुपयांची उलाढाल करणारी कोण आहे ‘ही’ आहे भारतीय महिला… जाणून घ्या

राष्ट्रीय आणि आंतरराष्ट्रीय स्तरावर जशी सर्वात श्रीमंत पुरुषांची यादी प्रकाशित होते, तशी श्रीमंत महिलांचीही यादी प्रकाशित होते. यामध्ये फाल्गुनी नायर, इशा अंबानी यांचाही समावेश आहे. यामध्ये या वर्षी दक्षिण भारतातील एका महिलेने क्रमांक पटकावला आहे. नीलिमा प्रसाद दीवी असं तिचं नाव आहे. रसायनशास्त्रातील जगदविख्यात शास्त्रज्ञ मुरलीकृष्ण प्रसाद दीवी यांची ती कन्या आहे. मार्च २०२३ पर्यंत तिची संपत्ती २८,१८० कोटी रुपयांपेक्षा अधिक होती. आर्थिक गुंतवणूक क्षेत्रांमध्ये नीलिमा दीवी कार्यरत आहेत.

आणखी वाचा

विश्लेषण : भारतीय महिलांचा टक्का वाढतोय ?

Bigg Boss Marathi 5: सर्व एलिमिनेटेड सदस्यांची घरात…

“स्वत: चीनची आहे अन्…” कॅनडामध्ये भारतीयांची संख्या जास्त म्हणणाऱ्या महिलेवर भडकले नेटकरी, पाहा Viral Video

आता तुल्यबळ खेळाडूंची फळी निर्माण करण्यावर भर – कुंटे

लहान वयातच आई गमावली, परिस्थितीचे चटके सहन केले पण हार मानली नाही; बनली सिक्कीमची पहिली महिला आयपीएस

आंबा-पेरू-चिंचेची झाडे, त्यावर फक्त पक्षांचा संचार आणि बरंच काही… नागपुरात साकारला देशातील पहिला ‘बर्ड पार्क’

इराणच्या सर्वोच्च नेत्याकडून भारतातील मुस्लिमांबाबत वादग्रस्त टिप्पणी; परराष्ट्र मंत्रालयानेही सुनावले खडे बोल; म्हणाले…

२००८ पासून मार्केट गाजवणारी Yamaha आता नव्या अवतारात दाखल; किंमत पूर्वीपेक्षा कमी, तर इंजिनचंही बदललं रूप

हेही वाचा : गणपतीला बाप्पा का म्हणतात ? काय आहे ‘बाप्पा’ शब्दामागील कथा…

कोण आहेत नीलिमा दीवी ?

नीलिमा दीवी मूळ भारतीय आहेत. त्यांचा जन्म हैदराबाद येथे झाला. त्यांचे वडील हे रसायनशास्त्रातील शास्त्रज्ञ आहेत. नीलिमा यांनी गीतम इन्स्टिट्यूट ऑफ फॉरेन ट्रेड महाविद्यालयात शिक्षण घेतले, तसेच अमेरिकेमधील ग्लासगो विद्यापीठातून आंतरराष्ट्रीय वित्त विषयात पदव्युत्तर पदवी प्राप्त केली.गुंतवणूक, कॉर्पोरेट फायनान्स आणि मटेरियल सोर्सिंग असे विविध आर्थिक बाबीत्या सांभाळतात. कोविड काळात अर्थव्यवस्था खालावली असताना २०२१ मध्ये नीलिमा यांच्या संपत्तीत ५१ टक्क्यांची वाढ झाली, असा दावा फायनान्शियल एक्सप्रेसने केला आहे. २०२० मध्ये कोटक वेल्थने जाहीर केलेल्या अहवालानुसार, नीलिमा या १०० श्रीमंत महिलांमधील चौथ्या क्रमांकावर होत्या.

मुरलीकृष्ण प्रसाद दीवी यांच्या तीन फार्मास्युटिकल कंपनी असून दीवी’स लॅब्स ही एक कंपनी आहे. या लॅब्जचे बाजार भांडवल सुमारे एक हजार अब्ज आहे. या प्रयोगशाळांमधून काही बिलियन डॉलर्सची निर्यात करण्यात येते. या लॅबमध्ये नीलिमा यांचा २०.३४ टक्के हिस्सा आहे. त्यांची एकूण संपत्ती ६.४ अब्ज डॉलर्स आहे. मुरलीकृष्ण हे एका सामान्य कुटुंबामधून येऊन त्यांनी विविध उद्योग व्यवसाय निर्माण केले. फोर्ब्ज इंडियाच्या मतानुसार, १० हजार मासिक कमाईतून मुरलीकृष्ण यांनी शिक्षण पूर्ण केले. १९७६ मध्ये ते अमेरिकेमध्ये जाऊन फार्मासिस्ट म्हणून काम करू लागले. प्रयत्न आणि जिद्दीच्या जोरावर त्यांनी लॅब्ज उभारून आर्थिक परिस्थिती सुधारली.
नीलिमा यांनी आर्थिक क्षेत्रातील गुंतवणूक, गुंतवणूकदारांचे संबंध, कॉर्पोरेट क्षेत्राशी निगडित आर्थिक व्यवहार यामध्ये त्यांनी आपले कार्य केले. आज त्या विविध कंपन्या सांभाळत असून त्यांची आर्थिक उलाढाल साधारण १ लाख कोटी आहे.