क्रिकेट सोडून त्याला बराच कालावधी लोटला, पण अजूनही त्याचे चेंडू त्याच्या जुन्या टप्प्यांवर पडताना दिसले. झाले असे की, वेस्ट इंडिज संघाच्या सरावाच्या वेळी डॅरेन सॅमी उपलब्ध होऊ शकला नाही, त्यामुळे संघाचा गोलंदाजी प्रशिक्षक असलेल्या अॅम्ब्रोजला चेंडू हातात घ्यावा लागला. ४-५ पावले धावत येत त्याने चेंडू टाकत फलंदाजांची भंबेरी उडवली. तब्बल २५ मिनिटे त्याने गोलंदाजी केली आणि तो सराव पाहून वाटले की, जर अॅम्ब्रोजला झोपेतून उठवून थेट मैदानात उतरवले तरी अजून तो नक्कीच भेदक मारा करू शकतो.
