23 September 2017

News Flash

बाबा प्रजासत्ताक

स्वत:च्या आश्रमातील अनेक महिलांवर त्याने लैंगिक अत्याचार केल्याचा आरोप आहे.

लोकसत्ता टीम | Updated: August 28, 2017 1:26 AM

आश्रमातील अनेक महिलांवर त्याने लैंगिक अत्याचार केल्याचा आरोप आहे.

आपण व्यवस्थाशून्यता क्वचित अनुभवतोच, पण आता सर्रास विधिनिषेधशून्यही होऊ लागलो आहोत..

हे काय सुरू आहे या देशात? आसाराम बापू नावाच्या भोंदूविरोधात तक्रार करणारे एकापाठोपाठ एक मारले जातात, आशुतोष महाराज नामक असाच कोणी मेला तरी त्याचे भक्त म्हणतात गुरू सखोल ध्यानात आहेत आणि म्हणून तीन वर्षे झाली तरी त्याचे कलेवर शीतकपाटात सरकारी खर्चाने राखले जाते, उत्तर प्रदेशात कोणी एक योगी म्हणवणारा स्वत:ची खासगी सेनाच उभी करतो आणि मुख्यमंत्रिपद हिसकावून घेतो, सर्व कायदे खुंटीवर टांगून कोणी एक श्री यमुनेच्या पात्रातच मेळावा भरवतो आणि पर्यावरणाचे नुकसान केले म्हणून दंडदेखील भरायला नकार देतो, पंतप्रधानच त्याच्या कार्यक्रमाला जातात, महाराष्ट्रातला एक स्वत:ला शंकराचार्य म्हणवून घेत अमाप माया जमा करतो आणि मंत्रीसंत्री त्याच्या भ्रष्टाचाराकडे दुर्लक्ष करीत निर्लज्जपणे त्याच्या पायावर डोके ठेवतात, औषधनिर्मितीचा कोणताही अनुभव नाही.. कथित औषधी उत्पादनांची कोणतीही चाचणी नाही तरीही एक कफनीधारी बाबा उठतो आणि तीन वर्षांत तब्बल १० हजार कोट रुपयांची औषधे आणि खाद्यान्न कंपनी उभी करतो, साक्षात गुंड वाटावा अशा भडक, बटबटीत, गुरूबाबाची मदत थेट पंतप्रधान घेतात, त्याच्या कर्तृत्वाचे(?) गोडवे गातात आणि या बाबाचे पितळ उघडे पाडणाऱ्या पत्रकाराची हत्या होते.. असे किती दाखले द्यावेत? बाबा रामरहीम असे तद्दन फिल्मी आणि फोकनाड नाव धारण करणाऱ्या बाबाच्या अटकेने हरयाणात जो काही उत्पात सुरू आहे तो पाहिल्यावर या देशात कायद्याचे राज्य आहे की नाही, असा प्रश्न निर्माण होतो. देश म्हणून आपण व्यवस्थाशून्यता क्वचित अनुभवतोच. पण आता सर्रास विधिनिषेधशून्यही होऊ लागलो आहोत हे अशा वारंवार घडणाऱ्या घटनांतून दिसून येते.

कोण हा रामरहीम? स्वत:च्या आश्रमातील अनेक महिलांवर त्याने लैंगिक अत्याचार केल्याचा आरोप आहे. मुळात प्रश्न असा की हे असले बाबा शेकडो, हजारो एकरांत अवाढव्य असे आश्रम उभारतातच कसे? कशी परवानगी मिळते त्यांना? एरवी प्रामाणिक नोकरदारांवर निश्चलनीकरणापासून आधार कार्डापर्यंत सगळ्या नियमांचा वरवंटा फिरवणाऱ्या सरकारला या असल्या भोंदूबाबांचे गैरव्यवहार दिसू नयेत? हा बाबा म्हणवून घेणारा ‘यू आर माय लव्ह चार्जर’ यासारखी टुकार गाणी गातो. नाचतो. भिकार सिनेमे काढतो. तरीही त्याला आध्यात्मिक गुरू म्हणवून सर्व ते संरक्षण दिले जाते, यात काही गैर आहे असे कोणालाच वाटत नाही? हरयाणा सरकार या बाबाच्या आश्रमास करमाफी देते? या सरकारचा एक मंत्री त्याला ५० लाख रुपयांची देणगी देतो तेव्हा ही इतकी रक्कम त्याने आणली कोठून, असा प्रश्नही काळा पैसा बाहेर काढण्याचा दावा करणाऱ्या सरकारला पडत नाही? न खाऊंगा, न खाने दूँगा अशी बढाई मारणाऱ्या पंतप्रधानांनी या असल्या नतद्रष्टांना मोठे करावे? त्यांना हे माहीत असू नये की आपलेच पूर्वसुरी अटलबिहारी वाजपेयी यांनीच या रामरहीम नामक ठगाच्या चौकशीचे आदेश दिले होते? या सरकारला हेदेखील कळू नये की त्याची दहशत इतकी आहे की विरोधात साक्ष द्यायलाही कोणी तयार नाही? या बाबाचे पाय किती चिखलात आहेत हे दाखवून देणाऱ्या पत्रकाराची हत्या झाली आहे, कायद्याच्या राज्याच्या बाता मारणाऱ्या सरकारला या हत्येच्या चौकशीची गरजच वाटू नये? रशियात अध्यक्ष व्लादिमीर पुतिन यांच्या विरोधात काही बोलणाऱ्या, पुरावा देणाऱ्या, बातम्या देणाऱ्यांच्या निर्घृण हत्या होतात आणि कोणीही हल्लेखोर कधीही सापडत नाही. आपण त्या दिशेने निघाल्याची जाणीव सरकार म्हणवून घेणाऱ्यांतील कोणालाही होऊ नये? हरयाणाचे मुख्यमंत्री मनोहरलाल खट्टर यांचे एकवेळ ठीक. या राज्यात या असल्या भुक्कड बाबा, स्वामींमुळे गेल्या काही वर्षांत अनेकदा दंगली झालेल्या आहेत. अशा ‘ढ’ मुख्यमंत्र्याच्या हातून काहीही होऊ शकत नाही. पण या गणंगाला मुख्यमंत्रिपदी आपण बसवले आहे, तेव्हा त्याची लाज निघाली तर आपले हसे होणार आहे हे भाजप/रास्व संघ यांच्या वरिष्ठांना कळू नये? याच खट्टर सरकारने एका दिगंबर मुनीचे प्रवचन भर विधानसभेत आयोजित करून आपली वैचारिक विवस्त्रता दाखवून दिली आहे. तेव्हा अशा व्यक्तीच्या हातातील राज्यात बाबा रामरहीम हा दोषी ठरण्याची शक्यता असताना कायदा व सुव्यवस्थेचा प्रश्न निर्माण होऊ शकतो याचा सुगावा आंतरराष्ट्रीय ख्यातीचे गुप्तहेर, राष्ट्रीय सुरक्षा सल्लागार अजित डोवल यांनाही लागू नये? या सगळ्यांच्या सामुदायिक नादानपणामुळे जवळपास तीन डझन जण मारले गेले. यात काही सुरक्षा रक्षकही आहेत. या असल्या क्षुद्र कारणांत स्वत:चा जीव घालवण्यासाठी देशातील नागरिकांनी सुरक्षा यंत्रणांत सहभागी व्हायचे काय? एखादे सरकार किती निष्क्रिय असावे याचा उत्तम नमुना मनोहरलाल खट्टर यांनी दाखवून दिला आहे. त्याची दखल खुद्द न्यायालयालाच घ्यावी लागली. पंतप्रधान, मुख्यमंत्री हे देशाचे, राज्याचे आहेत. फक्त भाजपचे नव्हेत, असे सुनावण्याची वेळ न्यायालयावर आली.

तेव्हा आता सत्ताधारी भाजप काय करणार, हा प्रश्न आहे. या पक्षाचे एका राज्यातील सरकार उच्च न्यायालयाच्या न्यायाधीशावरच पक्षपातीपणाचा आरोप करते आणि त्याच पक्षाचे सरकार नावरणारी गर्दी जमताना दिसत असूनही जमावबंदी आदेश लागू करीत नाही. रामरहीमच्या खटल्याचा निकाल जेथे लागणार त्या परिसरात गेले पाच दिवस प्रचंड प्रमाणावर त्याचे अनुयायी जमा होऊ लागले होते. ही इतकी गर्दी प्रसंगी हाताबाहेर जाईल हे दोनपाच वर्षांच्या बालकालाही कळले असते. पण ते खट्टर सरकारला कळले नाही. या सरकारने त्याकडे दुर्लक्ष केले. पण सरकार या बाबाविरोधात कारवाई करणार तरी कशी? कारण मुख्यमंत्री ते नोकरशहा सारेच त्याचे मिंधे. किती? हे एका बलात्काऱ्याची सरबराई करण्यात सरकार किती दंग होते, त्यावरून लक्षात येईल. या गुन्हेगाराची बडदास्त ठेवण्यासाठी हेलिकॉप्टर मागवले जाते, सरकारी अधिवक्ता या बाबाच्या कथित मुलीच्या हातातील बॅग घेण्यासाठी नोकरासारखा वागतो आणि हा बाबा दोषी ठरल्यानंतरची झुंडशाही पोलीस हातावर हात ठेवून बघत बसतात. हे सारे केवळ उद्विग्न करणारेच नव्हे तर नैराश्यजनक आहे. इतके झाल्यावरही या आपल्या मुख्यमंत्र्यास त्याच्या नाकर्तेपणाचा जाब विचारावा असे सत्ताधारी भाजपला वाटत नाही, यातच काय ते आले. ऊठसूट काँग्रेसच्या नावाने खडे फोडणाऱ्या भाजपचे किती काँग्रेसीकरण झाले आहे याचा हा आणखी एक पुरावा. या पातळीवर उतरण्यासाठी काँग्रेसला ६० वर्षे खर्ची घालावी लागली. भाजपने मात्र अवघ्या तीन वर्षांच्या बहुमती सरकारच्या काळातच ही पातळी गाठली. याचा अर्थ हा पक्ष अधिक खोली गाठू शकतो. अन्यांसाठी मात्र हा निश्चितच धोक्याचा इशारा आहे.  अर्थात भिंद्रनवाले हे या किळसवाण्या बाबा रामरहीमसारखे बाईलवेडय़ा नाचगाण्यांच्या मार्गाने गेले नाहीत. त्यांना स्वतंत्र खलिस्तान हवे होते. तसे काही या रामरहीमचे नाही. ते साहजिकही आहे, म्हणा. कारण याच देशात स्वत:चे स्वतंत्र प्रजासत्ताक निर्माण करून वाटेल तो धुडगूस घालण्याची सोय असताना त्याला वेगळे होण्याची गरजच काय? परंतु हा मुद्दा वगळता ही तुलना अस्थानी नाही. पुढे या भिंद्रनवाले यांच्यामुळे काय उत्पात झाला, याचा इतिहास ताजा आहे.

त्या वेळी इंदिरा गांधी यांनी केलेली चूक आणि आता मोदी- शहा यांचा भाजप करीत असलेले पाप यात काहीही फरक नाही. हे दोन्हीही झाले त्यामागे अत्यंत क्षुद्र राजकारण हाच हेतू होता. क्षुद्र हेतूंनी केलेल्या उद्योगांचा शेवटदेखील तितकाच, किंबहुना अधिकच, क्षुद्र असतो हा इतिहास आहे. मोदी सरकार त्याची पुनरावृत्ती करताना दिसते. त्यामुळे त्यांचा राजकीय हेतू साध्य होईलही. परंतु देशाचे रूपांतर बाबा प्रजासत्ताकात होईल याची जाणीव असलेली बरी. ती त्यांना नसेल तर मतदारांनी करून द्यायला हवी.

First Published on August 28, 2017 1:26 am

Web Title: hc slams narendra modi on ram rahim rape case protests issue
  1. P
    Parag
    Sep 1, 2017 at 12:51 pm
    म्हणजे इंदिरा गांधी करतात ती चूक आणि मोदी आणि अमित शहा करतात ते पाप? किती चाटायची काँग्रेसची.? मागे सुमार बुद्धीच्या कुमार केतकरने देखील एका अग्रलेखात इंदिरा गांधीने लादलेल्या आणीबाणीचे समर्थन केले होते.
    Reply
    1. H
      harshal gujar
      Aug 31, 2017 at 1:32 pm
      काही दिवसांपूर्वी अश्याच प्रकारची भाषा ख्रिस्ती पोप विरुद्ध वापरली होती त्यानंतर तुम्हीच जाहीर माफी मागितली होती विसरला का ? तुमचा साम्यवाद फक्त हिंदून आणि रा. स्व. संघाविरुद्धच जागा होतो हे विशेष. आशारामजी बापूं बद्दल च्या विधानावर तर तुमचं अपूर्ण पत्रकारिता सिद्ध होती हे खरंच तुमची मत हि इलेक्ट्रॉनिक मीडिया ठरवती याचेच आश्चर्य वाटत. अश्या घृणास्पद लेखांचा किती निषेध करावा तेवढं कमी
      Reply
      1. N
        Narendra kharate
        Aug 30, 2017 at 11:41 pm
        आपल्या देशात लॉजिक पेक्षा मॅजिक जास्त चालते म्हणून आपल्या देशात बाबा फेमस आहे. ज्या दिवशी लोकांना लॉजिक समजलं त्या दिवशी बाबा नावाची वस्तू देशात सापडणार नाही जय हिंद
        Reply
        1. D
          digambar
          Aug 29, 2017 at 12:14 pm
          अग्रलेख लिहिणारे जर प्रतिक्रिया वाचत असतील तर त्यावर त्यांनी प्रतिक्रिया द्यावी.
          Reply
          1. S
            Shriram Bapat
            Aug 29, 2017 at 12:06 pm
            सर्व बाबा धडा घेतील किंवा आपण यांच्यापुढे काहीच नाही अशी खंत बाळगतील असे भयानक महिला शोषण प्रिंट आणि इलेक्ट्रॉनिक मीडियामध्ये होते. सुमार (भाजप) हेटकर यांनी मराठीत पेड न्यूज चे पर्व सुरु केले तेव्हापासून मराठीत सुद्धा या प्रवृत्ती शिरल्या. या सर्वांचे चित्रण आणि पर्दाफाश या दलदलीचाच भाग असलेले प्रख्यात पत्रकार समीरण वाळवेकर यांनी केले आहे. त्यात काँग्रेस-काळातील आता हयात नसलेल्या गुलछबू मुख्यमंत्र्यांचे वर्णन सुद्धा आहे. सुरक्षेसाठी वाळवेकर यांनी सर्व कल्पित असून साधर्म्य आढळल्यास योगायोग समजावा असे लिहिले असले तरी कोणते वर्णन कोणाला फिट बसते हे ज समजते. सध्याचे लोकसत्ता संपादक ज्या काळाचे वर्णन केले आहे त्यावेळी बरेच ज्युनियर असल्याने त्यांच्याशी मिळती-जुळती व्यक्तिरेखा नाही. वाळवेकर यांनी भाग २ जरूर लिहावा.
            Reply
            1. P
              Prabhakar More
              Aug 29, 2017 at 11:51 am
              अगदी बरोबर सर तुम्ही लिहीत राहा चार दोन कुत्री भुंकून काय होणार . जेव्हा त्यांचा आई बहीण , बायको वर हि वेळ आलीकी हे च तुमच्याकढे न्यायासाठी भीक मागावयास धावत येतीलच .
              Reply
              1. A
                avinash
                Aug 29, 2017 at 11:36 am
                जेम्व्हा बलात्कार झाला त्यावेळी (२००२-३ ) कोणचा पत्रकार ,टीव्ही रिपोर्टर सिटीझन रिपोर्टर जागा झाला ? सगळेच झोपेचे सों े , आता शिक्षा झाली तर उर बडवणारे अशे दुटप्पी पत्रकार याना काय न्याय द्यायचा हे सांगा हो भाऊसाहेब !!!!
                Reply
                1. N
                  narendra
                  Aug 29, 2017 at 11:10 am
                  या अग्रलेखाचा अर्थ किंवा तात्पर्य हे आहे कि मतासाठी कोणत्या पातळीपर्यंत झुकावयाचे आणि कमरेचे सोडून डोक्याला गुंडाळायचे याचे तारतम्य सर्वांनी ठेवणे आवश्यक आहे केवळ न्यायमूर्तीवर सर्व सोपवून आपण निर्लज्जपणे असल्या अनैकतेकडे षंढासारखे पाहात बसणे हे तत्त्वच्युतीचे मर्यादा सोडून झाले यापासून सर्व सत्ताधीशांनी आणि राजकीय नेत्यांनी धडा घ्यावा आणि असे वर्तन पुन्हा करू नये मग ते भाजपचे असोत कि आणखी कोणी .
                  Reply
                  1. U
                    umesh
                    Aug 29, 2017 at 9:04 am
                    भाजपचे कॉंग्रेसीकरण ोझाले असेल किंवा नसेल पण लोकसत्ताचे कॉंग्रेसीकरण केतकरच्या काळापासून सुरु झाले ते कुबेरांनी पुढे नेले आहे स्तुतीपाठकांच्या प्रतिक्रिया न देण्याच्या लायकीच्या आहेत भाजपवर टीका करताना कुबेरांना भय्यू महाराजच्या चरणांशी डोके ठेवणारे चिकने मुख्यमंत्री विलासराव आठवले नाहीत का? इंदिरा गांधी यांनी धीरेन ब्रम्हचारीच्या किती कच्छपी लागल्या होत्या हा इतिहास कॉंग्रेसचे चमचे कुबेर विसरले तरी नागरिक विसरले नाहीत चंद्रास्वामीला कुणी मोठे केले? तेव्हा उगाच भाजपला झोडण्यासाठी कुणाचाही उपयोग करुन घ्यायचा हे कुबेरांच्या प्रवृत्तीला शोभणारे आहे शिवाय आपला दांभिकपणा असा की बाबा रामरही ा शिव्या घालताना मुलींचे मार्क्स वाढवण्यासाठी नोकरीत कायम करण्यासाठी पोलिस महिलांना रजा मंजूर करताना ट्रेनी जर्नालिस्ट मुलींना कायम करण्यासाठी जे लैंगिक शोषण होते त्यावर मात्र कुणी तुटून पडत नाही त्यांच्यात आणि बाबात फरक काय?
                    Reply
                    1. V
                      varad
                      Aug 28, 2017 at 10:40 pm
                      महाराष्ट्रातील अनिरुद्ध बापूंचा हे उल्लेख करायला हवा होता ....!! कि स्वतःतच त्याचे भक्त आहात???
                      Reply
                      1. P
                        Prashant
                        Aug 28, 2017 at 10:17 pm
                        खूप खूप वर्षांपूर्वी असाच एक योगी होऊन गेला काय बरे त्याचे नाव? हान आठवले, धीरेंद्र ब्रह्मचारी! कोणाचा गुरु होता बरे तो? आठवत नाही...ह्म्म्म कोणाच्या तरी अंत्ययात्रेत दिसला होता शेवटचा...कोणी तरी आपल्या आईच्या कानाखाली पण वाजवली होती म्हणे त्याच्या मुळे....मग त्या मुलाचे विमानाचं पडले....
                        Reply
                        1. S
                          sumant
                          Aug 28, 2017 at 8:41 pm
                          एक उत्तम अग्रलेख असेच सडेतोड लिहीत जा
                          Reply
                          1. S
                            Suresh
                            Aug 28, 2017 at 8:39 pm
                            Ram Rahim yala fakt 10 varshyachi shikshya wachunach man sunn hot.... Aasha bhikardya baba LA lok ajun kiti dokya var ghenar.... Are Saral fasavar latkun aplya sarvbhomatvachi Saksh denyachi hi bhajap chi vel ahe .. Ki nustach purn deshyat apli Hava karnyachya Nadat ahe bhajap.... Uchit nirnay gheun aplya pragalbhatechi Saksh dya tarach janta tumhala 2019 LA baghel... Nahi tr ekhadi paryayi yavstha shodhel..... Kopardi sarkhe balatkar sarras hot Astana balatkar virodhi kayda ajun hi ghongd panyat bhijat thevav tasach ahe .... Are kay durdaiv ahe he deshyat.... Janta tari kadhi sudharnar ashya bhondu baba LA kiti dokyavar thayathaya nachn denar.... Jage hya apan 21 shatkat jagat ahat..
                            Reply
                            1. S
                              sanjay
                              Aug 28, 2017 at 7:07 pm
                              भारतीय राज्यघटना प्रमाण मानून कायदेशीर मार्गाने सर्व जनता ज्या दिवशी वागू लागेल तेंव्हा ... देशातील ही बाबा ... बुवा सारखी सर्व धर्मिय जळमटं आपोआप नष्ट होतील. देश स्वतंत्र होऊन काही वर्षांत ७५ वर्षे पूर्ण होतील पण जाऊनही ७५ देशवासी विज्ञान... व डॉ. बाबासाहेब आंबेडकरांच्या घटनेप्रती प्रामाणिक सजग नसल्याने हे धर्म ठेकेदार माजले आहेत... हे बाबा पोसले कुणी.. त्यांना मोठे केले अशा सर्व मंडळींना खड्यासारखे दूर करा.. प्रस्तुत लेखात BJP व सद्यस्थितीतील पदाधिकारी व अधिकारी यांना दोषी धरणारे लेखन आहे.. पण भाजपा ३/४ वर्षे सत्ताधारी होतेय पण इतरांना देशावर ६३/६४ वर्षे सत्ता सांभाळताना . हे भोंदू दिसले नाहीत का..? की पद्धतशीर हे धर्मांध 'पीक' वाढवले हा प्रश्न आहे. भारतीय संस्कृतीत संतपरंपरा मोठी आहे.. बौध्द.. जैन.. ायत.. हिंदू धर्मात चांगले संत झाले... चक्रधर.. बसवेश्वर.. नामदेव.. ज्ञानेश्वर.. जगद्गुरू तुकाराम.. या ते सर्व वंदनीय तुकडोजी.. गेबाबा. हे कर्मवीर .कुठे व कुठे या नासक्या वृती....
                              Reply
                              1. T
                                tushar
                                Aug 28, 2017 at 6:35 pm
                                आकसापोटी लिहिलेला लेख. शब्दाशब्दामधून एकव्यक्ती मत्सर आढळून येत आहे. एक साधा प्रश्न हा कि इतके वर्ष म्हणजेच २०१३ पर्यंत राज्य कोणाचे होते आणि खटला गेले १५ वर्ष अडकून होता म्हणजे २००२ पासून मग २०१४ पर्यंत तुम्ही कुठे शेण खायला गेला होतात इ आज अचानक तुम्हाला हि उपरती झाली. खार म्हणजे काही शेलक्या शिव्या द्याव्या असं नक्कीच वाटतंय पण काय आहे ह्या वृत्तपत्राची एक प्रतिष्ठा आहे म्हणून थोडा संयम. पण हे तुमच्याकडून अपेक्षित नाही निर्भीड आणि करारी पत्रकारिता जपण्याचा प्रयत्न करा जो चूकी असेल त्याचे वाभाडे काढा पण उगाच कोणाची कड नका घेऊ. कसा आहे आता सर्वसामान्य लोक खरंच सुज्ञ झाले आहेत त्यामुळे पत्रकारिता सुधारणे खरंच महत्वाचे आहे आणि त्यामुळे सर्वानीच आपला दर्जा सुधारण्याकडे लक्ष देणे उचित ठरेल.
                                Reply
                                1. U
                                  uday
                                  Aug 28, 2017 at 6:28 pm
                                  जेव्हा कोणत्याही ' बाबाला ' सरकारी संरक्षण दिले जाते, सोयी-सवलती दिल्या जातात, देणग्या दिल्या जातात तेव्हा सरकार कोणतेही असो - हा ' बाबा ' नेते,अधिकारी,पोलीस,महत्वाच्या खात्यांचे अधिकारी यांची ' सोय ' करत असतो - हे उघडच आहे. हे सगळे बहुतेक ' पिताजी की माफी ' साठी तरसलेले असतात आणि बाबा हे ओळखून असतात. बाबांचे सुरक्षा रक्षक, आश्रमातील सेवक ( ? ) हे सर्वच बाबाच्या आशीर्वादाने ' सेवा ' बजावून घेत असतात आणि बदनामीच्या धास्तीने ' एकदा बळी पडलेली स्त्री ' परत परत सेवा बजावीतच राहते - अपवाद वेगळा.
                                  Reply
                                  1. S
                                    shivshanker Mhadiwale
                                    Aug 28, 2017 at 6:08 pm
                                    (१) औषधनिर्मितीचा कोणताही अनुभव नाही.. कथित औषधी उत् ंची कोणतीही चाचणी नाही तरीही एक कफनीधारी बाबा उठतो आणि तीन वर्षांत तब्बल १० हजार कोट रुपयांची औषधे आणि खाद्यान्न कंपनी उभी करतो, > रामदेव बाबाच्या प्रत्येक उत् ला 'FSSAI --aproval ' आहे. (२) उत्तर प्रदेशात कोणी एक योगी म्हणवणारा स्वत:ची खासगी सेनाच उभी करतो आणि मुख्यमंत्रिपद हिसकावून घेतो > हे लोकशाही मार्गाने निवडून आलेले मुख्यमंत्री आहे. संपादकाचे विधान हे वृत्तपत्राची पत घालविणारे, अतिशय वैयक्तिक पद्धतिने लिहिलेले आहे. बाकीचे विधाने हि कुबेर यांची गुप्त पद्धतीने सुंता झाली आहे का? या संशयास जागा ठेवतात ..कारण मागील २-३ लेख या विधानास पुष्टी देतात.. .
                                    Reply
                                    1. A
                                      Ajay Wadke
                                      Aug 28, 2017 at 5:44 pm
                                      फार छान लिहिलंय. जनतेने आपली अक्कल गहाण ठेवायची आणि बाबा लोकांनी जनतेला फसवायचे हे आधीपासून चालत आले असले तरी आता राजकारणाच्या गुन्हेगारीकरणामुळे कसलाच धरबंद राहिला नाहीये. आपले मा. मुख्यमंत्रीसुद्धा अशाच एका बाबाचा सत्कार करताना "धर्मशक्तीचा राजशक्तीवर अंकुश असला पाहिजे" असे वदले होतेच. ह्यातूनच ह्या बाबालोकांना माज येतो.
                                      Reply
                                      1. P
                                        pritam lade
                                        Aug 28, 2017 at 5:42 pm
                                        माहोल लेख!
                                        Reply
                                        1. V
                                          Vinayak
                                          Aug 28, 2017 at 5:40 pm
                                          या बाबाचे समर्थन कोणीच करणार नाही आणि त्याला कठोरात कठोर शिक्षा झाली पाहिजे यावर हि दुमत असणार नाही पण... आज जर गोबेल्स जिवंत असता तर लोकसत्तेतले अग्रलेख वाचून त्याला आनंदाचे भरते आले असते! आपले तंत्र इतक्या कल्पनातितरित्या यशस्वीपणे पुढे नेणाऱ्या या वृत्तपत्राचा त्याने नक्कीच गौरव केला असता. "मुळात प्रश्न असा की हे असले बाबा शेकडो, हजारो एकरांत अवाढव्य असे आश्रम उभारतातच कसे? कशी परवानगी मिळते त्यांना? एरवी प्रामाणिक नोकरदारांवर निश्चलनीकरणापासून आधार कार्डापर्यंत सगळ्या नियमांचा वरवंटा फिरवणाऱ्या सरकारला या असल्या भोंदूबाबांचे गैरव्यवहार दिसू नयेत?" हि विधाने पुरेशी "बोलकी" आहेत. अहो या बाबाचे साम्राज्य गेल्या ३ वर्षात उभे राहिलेले नाही आणि वाजपेयी यांच्या नंतर सलग १० वर्षे काँग्रेसचे सरकार होते हे तुम्ही सांगितले नाही तरी लोकांना ठाऊक आहे. काँग्रेस ने १० वर्षे पोसलेले पाप भा ज प ने पुढे पोसले हे तर खरेच पण आधीच्या सरकारच्या नाकर्तेपणाचा साधा उल्लेख हि न करणे हे न्यायावरच्या प्रेमापेक्षा संपादकांचा खरा उद्देश अधोरेखित करते.
                                          Reply
                                          1. P
                                            pritam lade
                                            Aug 28, 2017 at 5:13 pm
                                            लेख वाचला नाही पण फक्त २-३ टक्के लोकांनी हजारो वर्षांपासून देशातील लोकांना मानसिक गुलाम बनवून ठेवलेले आहे..याचे उदाहरण अनेक वर्षांपासून सार्वजनिक होत आहेत..काढताय पण वादात नाही..
                                            Reply
                                            1. Load More Comments