युनायटेड स्टेट्स इंडिया एज्युकेशनल फाऊंडेशनद्वारा २०१७-१८ संशोधन व व्यावसायिक शिक्षण घेण्यासाठी खालील संधी शिष्यवृत्तींसह उपलब्ध आहेत. फुलब्राईट- नेहरू पोस्ट डॉक्टरल रीसर्च फेलोशिप- शिष्यवृत्तीचा कालावधी २४ महिने. आवश्यक शैक्षणिक पात्रता- ही शिष्यवृत्ती संशोधक- प्राध्यापकांसाठी उपलब्ध असून त्यासाठी अर्जदारांनी गेल्या चार वर्षांत त्यांच्या क्षेत्रात पीएचडी केलेली असावी व त्यांचा शैक्षणिक आलेख चांगला असायला हवा. फुलब्राईट नेहरू अॅकेडेमिक अॅण्ड प्रोफेशनल एक्सलन्स फेलोशिप- शिष्यवृत्तीचा कालावधी चार ते नऊ महिने. आवश्यक शैक्षणिक पात्रता- ही शिष्यवृत्ती भारतीय संशोधक व प्राध्यापकांना अमेरिकेत संशोधन वा शैक्षणिक सरावासाठी देण्यात येत असून त्यासाठी अर्जदारांनी पीएचडी पात्रता चांगल्या शैक्षणिक आलेखासह उत्तीर्ण केलेली असावी. फुलब्राईट कलाम क्लायमेंट फेलोशिप- शिष्यवृत्तीचा कलावधी- ९ ते १२ महिने. आवश्यक शैक्षणिक पात्रता- या शिष्यवृत्तीसाठी भारतीय विद्यार्थ्यांनी त्यांच्या संबंधित विषयात संशोधनपर पीएचडीसाठी नोंदणी केलेली असावी व त्यांचा शैक्षणिक आलेख चांगला असायला हवा. अधिक माहिती व तपशील- वरील शैक्षणिक शिष्यवृत्तींच्या संदर्भात अधिक माहिती व तपशिलासाठी www.usief.org.in या संकेतस्थळाला भेट द्यावी. अर्ज करण्याची पद्धत व शेवटची तारीख- संगणकीय पद्धतीने वरील संकेतस्थळावर अर्ज करण्याची शेवटची तारीख १५ जुलै २०१६ आहे.