मानसिक आजाराच्या समस्यांचे गांभीर्य आणि व्याप्ती विचारात घेता केंद्र शासनाने राष्ट्रीय मानसिक आरोग्य कार्यक्रम सुरू केला आहे. सदर कार्यक्रम अंमलबजावणी महाराष्ट्रातसुद्धा चालू आहे, जेणेकरून सामान्य माणूस व ग्रामीण जनता यांना त्याचा लाभ व्हावा. सदर कार्यक्रमासाठी राज्याच्या आरोग्य संचालनालयात विशेष मानसिक आरोग्यकक्ष स्थापन करण्यात आला आहे. उद्दिष्टे राज्यातील दुर्गम आणि ग्रामीण जनतेसाठी मानसिक आरोग्य सेवा उपलब्ध करून देणे. आरोग्य सेवेतील उचित अधिकाऱ्यांना कार्यक्षम अंमलबजावणीसाठी विविध कार्य आणि जबाबदाऱ्या निश्चित करणे. मानसिक आरोग्य सेवा या सामान्यत: आरोग्य सेवा सुविधांचा अविभाज्य भाग मानून सदर कार्यक्रम पूर्तता करणे. विविध सामाजिक विकास कार्यक्रमामध्ये मानसिक आरोग्य, जागरूकता व सोयी सुविधा यांची माहिती देणे. मानसिक आरोग्य सेवा विकास व अंमलबजावणी यामध्ये जनतेला समाविष्ट करून घेणे. ठळक वैशिष्टय़े रुग्णालयात मानसिक रुग्ण भरती करताना मानसिक आरोग्य कायदा १९८७ ची अंमलबजावणी. तपासणी, मनोविकारतज्ज्ञ परिचारिका यांच्याकडून मानसिक विकारांची नोंद, वैद्यकीय अधिकाऱ्यामार्फत शारीरिक तपासणी व शेवटी मानसोपचारतज्ज्ञाकडून संपूर्ण तपासणी व नंतर उपचार. खाजगी मानसिक रुग्णालयाचे पंजीकरण मानसिक आरोग्य कायद्यानुसार खाजगी मानसिक रुग्णालयांना पंजीकृत करणे बंधनकारक असून त्यांना परवाना पत्र दिले जाते. जिल्हा मानसिक आरोग्य कार्यक्रम. अधिक माहितीसाठी: