मुंबई-गोवा राष्ट्रीय महामार्गावर महाड येथील गांधारपाले लेण्यांजवळ झालेल्या विचित्र अपघातात १ जण ठार, तर ४५ जण जखमी झाले. जखमींमधील पाच जणांची प्रकृती चिंताजनक असून त्यांना पुढील उपचारांसाठी मुंबईत हलवण्यात आले आहे. शनिवारी सकाळी एस.टी. महामंडळाच्या बसेसची समोरासमोर धडक झाल्याने हा अपघात झाला. बसेसना वाचवण्याच्या प्रयत्नात याच वेळी तिथून जाणारा ज्वालाग्राही अ‍ॅसिड टँकरही उलटला आणि त्यातून अ‍ॅसिड गळती सुरू झाल्याने महामार्गावरील वाहतूकही विस्कळीत झाली. गांधारपाले येथील वळणावर ठाण्याकडून येणारी ठाणे-चिपळूण एस.टी. गाडीआणि महाडकडून जाणाऱ्या गुजरकोंड-भाईंदर एस.टी.ला समोरासमोर धडकली. ज्वालाग्राही अ‍ॅसिटिक अ‍ॅसिडवाहू टँकरला मागे टाकत असतानाच हा अपघात झाला. दोन्ही एस.टी. बसेसना वाचवण्याच्या प्रयत्नात या वेळी टँकर रस्त्याच्या बाजूला कलंडला आणि त्यातून अ‍ॅसिटिक अ‍ॅसिडची गळती सुरू झाली. धम्डकेत माणगावचा प्रवासी सुभाष नारायण िशदे हा जागीच ठार झाला, तर अन्य ४५ प्रवासी जखमी झाले.
