बॉलीवू़ड बादशहा शाहरुख खानचा किती मोठा चाहतावर्ग आहे हे काही वेगळे सांगायला नको. पण त्याच्याहीपेक्षा त्याचा मुलगा आर्यन खान हा सव्वाशेर आहे, आपल्या वडिलांप्रमाणेच आर्यनही सोशल माध्यमांवर चांगलाच प्रसिद्ध आहे. आर्यनने नुकताच शाळेच्या गणवेशातील एक फोटो इनस्टाग्रामवर शेअर केला आहे. आर्यन हा लंडन मध्ये 'सेव्हेन ओक्स स्कूल' मध्ये शिकत आहे. शाहरुख खानचा मुलगा आर्यन खान, मुलगी सुहाना खान, सैफअली खानचा मुलगा इब्राहिम खान, तसेच श्रीदेवीची मुलगी खुशी आणि जान्हवी कपूर ही सेलिब्रेटी मुले सोशल नेटवर्किंग साइटवर चांगलीच प्रसिद्घ आहे. आपल्या आई-वडिलांप्रमाणेच त्यांच्या मुलांचेसुद्धा सोशल माध्यमांवर प्रचंड चाहते आहेत. ही मुले त्यांच्या मित्रमंडळींसोबतची आणि काही वैयक्तिक छायाचित्रे सोशल माध्यमांवर शेअर केरत असतात.
