कांदिवलीमध्ये पोलीस ठाण्यात एका दाम्पत्याला पोलिसांनी बेदम मारहाण केल्याचा व्हिडिओ समोर आला आहे. 'एएनआय' वृत्तसंस्थेने त्यांच्या ट्विटर पेजवर हा व्हिडिओ शेअर केला आहे. व्हिडिओमध्ये पोलीस ठाण्याच्या इमारतीतील पॅसेजमध्ये पोलीस अधिकारी नवरा बायकोला बेदम मारहाण करीत असल्याचे दिसते. मिळालेल्या माहितीनुसार, हे दाम्पत्य पोलीस ठाण्यात तक्रार देण्यासाठी गेले होते. पण त्यांना पोलिसांनी मारहाण का केली, याबद्दल माहिती मिळालेली नाही. ही घटना १० मे रोजी घडल्याचे समजते. त्या दिवशी पोलीस ठाण्यामध्ये आलेल्या एका व्यक्तीने आपल्याकडील मोबाईलमधून या मारहाणीचे चित्रण केले. या प्रकरणात चौकशी सुरू असून, दोषींवर कडक कारवाई केली जाईल, असे मुंबई पोलिसांच्या जनसंपर्क अधिकाऱ्यांनी वृत्तसंस्थेला सांगितले. WATCH: Couple thrashed mercilessly inside a Police Station in Kandivali,Mumbai (Source: Amatuer video) — ANI (@ANI_news) May 23, 2016