हॅचबॅक श्रेणीतील सेलेरिओ प्रवासी कारद्वारे जपानच्या सुझुकीने डिझेल इंजिन निर्मितीत प्रवेश केला आहे. मारुती सुझुकी इंडियाने सेलेरिओ ही कार गुरुवारी नवी दिल्लीत नव्याने सादर केली.नवी दिल्लीत बुधवारी ही कार सादर करताना कंपनीचे व्यवस्थापकीय संचालक व मुख्य कार्यकारी अधिकारी केनिची आयुकावा व विपणन व विक्री विभागाचे कार्यकारी संचालक आर. एस. कलसी हे उपस्थित होते.७९३ सीसी क्षमतेच्या नव्या सेलेरिओची किंमत ४.६५ ते ५.७१ लाख रुपये आहे. प्रतिलिटर २७.६२ किलोमीटर वेग क्षमता देणाऱ्या या कारमध्ये डीडीआयएस १२५ इंजिन बसविण्यात आले आहे. या इंजिनासाठी कंपनीने ९०० कोटी रुपयांची गुंतवणूक केली आहे. पेट्रोलवरील सेलेरिओ कार ३.९० ते ५ लाख रुपये दरम्यान आहे. सीएनजीवरील सेलेरिओची किंमत सध्या ४.८५ लाख रुपये आहे. ही कार सर्वप्रथम फेब्रुवारी २०१४ मध्ये तयार करण्यात आली. आतापर्यंत तिच्या ९५ हजार वाहनांची विक्री झाली आहे.ह्य़ोसंग आता भारतीय बनावटीची..नवी दिल्ली: पुणेस्थित डीएसके मोटोव्हील्सची भागीदारी असलेल्या दक्षिण कोरियाच्या ह्य़ोसंगच्या महागडय़ा मोटरसायकल भारतातच तयार करण्याचे संकेत कंपनीचे अध्यक्ष शिरीष कुलकर्णी यांनी बुधवारी नवी दिल्लीत दिले. प्रत्यक्षात तसे झाल्यास येत्या दीड वर्षांत उत्पादन सुरू होईल, असेही ते म्हणाले. कंपनी सध्या या नाममुद्रेच्या २५० ते ७०० सीसी क्षमतेच्या पाच मोटरसायकलची विक्री देशात करते. त्यांची किंमत २.८४ ते ५.९९ लाख रुपये आहे. सध्या या दुचाकींची बांधणी पश्चिम महाराष्ट्रातील वाईनजीकच्या प्रकल्पात होते. इटलीच्या बेनेल्लीबरोबर भागीदारी असलेल्या डीएसके मोटोव्हील्सचा नवा प्रकल्प पुण्यानजीकच्या तळेगाव येथे ३५० कोटी रुपयांच्या गुंतवणुकीसह सुरू होत आहे. दोन्ही कंपन्यांच्या मिळून वर्षांला ५,००० दुचाकी विक्रीचे उद्दिष्ट यानिमित्ताने कुलकर्णी यांनी जाहीर केले. त्यांनी ह्य़ोसंगच्या नव्या दुचाकींचे अनावरण बुधवारी नवी दिल्लीत केले.‘केश किंग’ ईमामीकडे; १,६५१ कोटींचा व्यवहारव्यापार प्रतिनिधी, मुंबईआयुर्वेदिक तेल व केस निगा क्षेत्रातील केश किंग ही नाममुद्रा ईमामीच्या अखत्यारीत आली असून हा व्यवहार १,६५१ कोटी रुपयांचा झाला आहे. या माध्यमातून ईमामीला थेट केस निगा क्षेत्रात शिरकाव करता आला आहे.केश किंग ही नाममुद्रा संदीव जुनेजा यांनी २००९ मध्ये तेल, श्ॉम्पू, कंडिशनर तसेच आयुर्वेदिक कॅप्सूलच्या माध्यमातून विकसित केली होती. ३०० कोटी रुपयांची उलाढाल असलेल्या केश किंगची देशभरातील ५.४ लाख दालनांमधून उत्पादने उपलब्ध आहेत. ईमामीचे संचालक हर्ष अगरवाल यांनी याबाबत म्हटले आहे की, ईमामीच्या सध्या वाढत्या व्यवसायात हा निर्णय मैलाचा ठरेल. नव्या क्षेत्रात उतरल्यामुळे समूहाला आणखी व्यावसायिक भक्कमता प्राप्त होईल. ईमामीने नुकतीच ऑस्ट्रेलियातील फ्रॅव्हिन पीटीवाय ही कंपनी तिच्या तीन उपकंपन्यासह खरेदी केली होती. नैसर्गिक व ऑर्गेनिक वैयक्तिक निगा क्षेत्रात तिची विविध उत्पादने आहेत.
