27 September 2020

News Flash

बाजारातून निधी उभारताना बँकांना सावधगिरीचा रिझव्‍‌र्ह बँकेकडून इशारा

व्यवसाय विस्तारासाठी आवश्यक भांडवली निकड ही खुल्या बाजारातून निधी उभारून भागविण्यावर अतिरिक्त भिस्त ठेवण्यावर रिझव्‍‌र्ह बँकेने सार्वजनिक बँकांना काहीसे सावध केले आहे.

| July 15, 2015 08:00 am

व्यवसाय विस्तारासाठी आवश्यक भांडवली निकड ही खुल्या बाजारातून निधी उभारून भागविण्यावर अतिरिक्त भिस्त ठेवण्यावर रिझव्‍‌र्ह बँकेने सार्वजनिक बँकांना काहीसे सावध केले आहे. भांडवली बाजारातील भाऊगर्दी पाहता बँकांनी हा मार्ग टाळावा, असे आवाहन रिझव्‍‌र्ह बँकेचे डेप्युटी गव्हर्नर आर. गांधी यांनी केले आहे.
सार्वजनिक क्षेत्रातील बँकांना सरकारने नुकतेच १२,००० कोटी रुपयांचे अर्थसाहाय्य देऊ केले आहे. बँकांच्या वाढत्या अनुत्पादक मालमत्तेचे प्रमाण पाहता अर्थसंकल्पातील ७,९४० कोटी रुपयांच्या तरतुदीपेक्षा ही रक्कम किती तरी अधिक आहे.
बँकांसाठी अतिरिक्त भांडवली गुंतवणूक ही नेहमीच स्वागतार्ह राहिली आहे; मात्र सध्या या मार्गाद्वारे निधी उभारणी करणे काहीसे जोखमीचे ठरू शकते, अशी साशंकता गांधी यांनी व्यक्त केली आहे. बझेल ३ च्या पूर्ततेसाठी बँकांना येत्या चार वर्षांत मोठय़ा प्रमाणात निधी उभारणी करावी लागणार, हे मान्य, असे नमूद करून गांधी यांनी भांडवली बाजाराव्यतिरिक्त अन्यही पर्याय बँकांनी जोपासावेत, असे सुचविले.
निधी उभारणीसाठी सर्व बँकांनी एकत्र येऊन एखादे धोरण ठरविणे आवश्यक असल्याचेही गांधी म्हणाले. भांडवली बाजारातून निधी उभारणीसाठीही बँका समभागांच्या किमतीतील सुधाराची अपेक्षा करीत असल्याचे ते म्हणाले.
बँकांना बझेल ३ अंतर्गत मार्च २०१९ पर्यंत अतिरिक्त २.५ लाख कोटी रुपये उभारायचे आहेत. मार्च २०१५ अखेर बँकांच्या अनुत्पादक मालमत्तेचे व पुनर्बाधणी केलेल्या कर्जाचे एकत्रित प्रमाण १०.३० टक्के नोंदले गेले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2015 8:00 am

Web Title: rbi alert banks while raising fund from market
टॅग Business News,Rbi
Next Stories
1 विद्यार्थ्यांच्या प्रश्नाने गव्हर्नरही जेव्हा अंतर्मुख होतात..
2 देशातील सर्वात मोठा सौर ऊर्जा प्रकल्प शहापूरमध्ये
3 सेन्सेक्स-निफ्टीला नफावसुलीचे ग्रहण!
Just Now!
X